Qaıyqta otyrǵan kezde qandaı qaýipsizdik erejelerin saqtaý kerek

ASTANA. KAZINFORM – TJM mamandary qaıyqta otyrǵan kezde qandaı qaýipsizdik erejelerin saqtaý kerektigin eske salady.

Óıtkeni, keshe Túrkistan oblysyndaǵy Shardara sý qoımasyna eki balyqshy rezeńke qaıyqpen balyq aýlaýǵa shyqqan, qarańǵy túsip ketip, adasqan jigitter jaǵalaýǵa jete almaı qalǵan.

Qutqarýshylar oqıǵa ornyna tez jetip, 1986 jyly týǵan er adamdardy jaǵadan 1 shaqyrym qashyqtyqtan taýyp aldy. Olarǵa medıtsınalyq kómek qajet bolmady.

- Mundaı jaǵdaıda eń aldymen qutqarý keýdeshesin kıińiz. 

Qaıyqty júk kótergishtigi boıynsha qatań túrde toltyryńyz.

Qaıyqqa otyrar aldynda ony muqııat tekserip, jaramdylyǵy men beriktigine kóz jetkizińiz. Onda qutqarý dóńgelegi men sý tógetin shómish mindetti túrde bolýy kerek.

Qaıyqtyń qozǵalysy kezinde aýnap ketýdi boldyrmaý úshin oryndardy aýystyrýǵa jáne qaıyqqa otyrýǵa bolmaıdy.

Sý aıdynynda qaıyqty qatty jel men tolqynǵa qyrynan ustańyz. 

Daýyldy eskertý kezinde sýǵa shyqpańyz, - dep eskertti mamandar. 

Kómek kerek bolsa, dereý 112 nómirine telefon shalý qajet. 

Aıta keteıik, TJM dereginshe, sýǵa batyp ketkenderdiń 95 paıyzy ruqsat etilmegen jerde shomylǵan.