Qaıǵyly oqıǵaǵa kemsitýshilik sebep bolǵandaı

ASTANA. QazAqparat - AQSh-tyń Lýızıana shtatyndaǵy Baton-Rýj qalasynda úsh polıtsııa qyzmetkeri oqqa ushty jáne úsh polıtseı jaralandy. Polıtseıler oqıǵa bolǵan jerge jedel jetken.

Qaıǵyly oqıǵaǵa kemsitýshilik sebep bolǵandaı

Polıtseılerge oq atqan adamnyń aty-jóni Gevın Long degen eken. Kezinde ol Iraktaǵy AQSh áskeriniń quramynda qyzmet etipti. Amerıkalyq buqaralyq aqparat quraldarynyń habarlaýynsha, Gevın Longti polıtseıler atyp óltirgen. Onyń mundaı áreketke barýy kemsitýshilikke baılanysty bolsa kerek. Lýızıana shtatynyń gýbernatory Djon Edvards bul qaıǵyly oqıǵany qalyń kópshilik «birlik pen aıyǵýǵa muqtaj» bolyp turǵan kezde «aıtyp jetkizgisiz jáne aqtaýǵa bolmaıtyn» dep atady. Búginde AQSh-ta Dallasta polıtsııanyń eki qara násildi azamatty atyp óltirgennen keıin jáne qara násildi turǵyndar bes polıtseıdi óltirgen soń eldegi jaǵdaı shıelenisip ketti. Qalalarda narazylyq aktsııasyna shyǵý áreketteri basylmaı tur.