Qaıǵyly fýtbol oıyny: 8 adam mert boldy
ASTANA. QazAqparat - Dakar qalasy Senegalda fýtboldan jergilikti Chempıondar lıgasynyń oıyny qaıǵyly jaǵdaımen aıaqtaldy, dep habarlaıdy CNN.
Oqys oqıǵa el astanasy Dakar qalasynda boldy. Bylǵary dop sheberleriniń kezdesýi aıaqtalǵanda, eki toptyń jankúıerleri bir-birine judyryq ala júgirgen. Olarǵa arasha túspek bolǵan polıtseıler kózden jas aǵyzatyn gazdy qoldanypty.
Osydan keıin jurt túgeldeı syrtqa umtylyp, qyspaqqa ushyraǵan. Saldarynan stadıon qabyrǵasynyń bir bóligi opyrylyp qulady. Stadıonǵa jıylǵandar birin-biri taptap, 8 adam qaza tapty. Shamamen 50 adam jaraqat aldy.
