Qaıda tarttyń, tazqara - Qazaqstannan ushqan qus Qyrǵyzstanǵa jetti
ASTANA. KAZINFORM – Qazaqstanda spýtnıktik baqylaýǵa alynǵan Emel esimdi jas tazqara Qyrǵyzstan aýmaǵyna jetti. Ǵalymdar qustyń sapary Úndistanǵa deıin jalǵasýy múmkin ekenin boljap otyr.
«Emeldiń kúndeligi» jobasy aıasynda jas tazqaranyń qozǵalysy spýtnıktik monıtorıng arqyly baqylanyp keledi.
Mamandardyń málimetinshe, qanaty qataıǵan saıyn Emel jańa aýmaqtardy ıgerip, buryn bolmaǵan jerlerge ushyp barady. Qazir onyń Qazaqstannan Qyrǵyzstanǵa jetkeni tirkeldi.
– Ǵalymdardyń boljamynsha, jas tazqara Ortalyq Azııa arqyly ońtústikke qaraı saparyn jalǵastyryp, tipti Úndistanǵa deıin jetýi múmkin, – delingen joba týraly aqparatta.
Spýtnıktik baqylaý qustyń naqty qozǵalys baǵytyn anyqtaýǵa, qonys aýdarý erekshelikterin zertteýge jáne onyń jańa aýmaqtarǵa beıimdelýin baqylaýǵa múmkindik beredi.
Mamandar Emeldiń aldaǵy qozǵalysyn qadaǵalaýdy jalǵastyrady.
Aıta keteıik, buǵan deıin Іle-Alataýy memlekettik ulttyq tabıǵı parkinde qar barysynyń tirshiligi spýtnıktik qurylǵy arqyly zerttelip jatqany habarlanǵan edi. Mamandar spýtnıktik telemetrııa kómegimen jyrtqyshtyń qozǵalysy men tabıǵı ortadaǵy minez-qulqyn baqylap otyr.
