Kaıa Kallas: AQSh-tyń aralasýy Taıaý Shyǵystaǵy qaqtyǵystyń órshýine ákeledi
ASTANA. KAZINFORM — Eýropalyq dıplomatııa basshysy Tramp ákimshiligin Iran-Izraıl qaqtyǵysyna áskerı turǵyda aralasýdan saqtandyrdy, dep habarlaıdy Euronews.
Amerıka Qurama Shtattarynyń áskerı aralasýy Iran men Izraıl arasyndaǵy qaqtyǵystyń búkil Taıaý Shyǵysqa «taralýyna» jáne odan da úlken qaýipti sıpatqa ıe bolýyna ákeledi. Bul týraly EO-nyń Syrtqy ister jónindegi Joǵarǵy ókili Kaıa Kallas málimdedi.
Onyń eskertýi Donald Tramp óziniń eli Izraıldiń jaqtaýshysy ári soǵys qımyldaryn toqtatý úshin praktıkalyq tásildi qoldana alady dep ashyq aıtqannan keıin paıda boldy.
- Múmkin biz aralasatyn shyǵarmyz. Biraq qazir biz buǵan qatyspaımyz, - dedi amerıkalyq kóshbasshy jeksenbide ABC News-ke bergen suhbatynda.
Keıinirek ol eger Iran «amerıkalyq áskerlerge tıisse», AQSh «qolǵaptaryn tastap, soqqy beretinin» aıtty.
Seısenbide Kallas Eýropalyq odaq Amerıka Qurama Shtattarynyń soǵysqa qatysýyn qoldamaıtynyn aıtty.
- Eger áńgime aralasýǵa keletin bolsa, búkil aımaq sózsiz qaqtyǵysqa túsedi. Bul eshkimniń múddesine saı kelmeıdi, - dedi eýropalyq dıplomatııanyń basshysy EO-nyń 27 syrtqy ister mınıstrmen ótken beınekonferentsııasynan keıin.
Aıta keteıik, Tramp Izraıl men Iran arasynda beıbitshilik ornatýǵa ýáde berdi. Tramp Taıaý Shyǵystaǵy jaǵdaıǵa baılanysty G7 sammıtinen erte ketip qaldy.
AQSh Taıaý Shyǵysqa «USS Nimitz» áýe kemesin jiberedi. Axios Izraıl AQSh-ty Iranmen soǵysýǵa shaqyratynyn málimdedi.
Iran men Izraıl arasyndaǵy úzdiksiz soqqydan taǵy birneshe adam qaza tapty. Reseı SІM Iran-Izraıl qaqtyǵysyna qatysty málimdeme jasady.