Qaı sebeppen avtokólikter jıi órtenedi?

Tek qarasha aıynda Astana qalasynyń «Saryarqa» aýdany boıynsha tórt avtokólik órti oryn aldy. Osy joly statıstıka boıynsha qaıǵyly oqıǵalar Renault Logan, Hyundai Santa Fe, Mercedes-Benz Sprinter, Lada Granta, Toyota Avalon avtokólikterinde oryn aldy.

Bul týraly Astana qalasynyń TJ Departamenti «Saryarqa» aýdanynyń TJ basqarma bastyǵy Órt sóndirý qyzmetiniń maıory E.A.Davydok málimdeıdi.

Avtokólikterdegi órt qaýpi arnaıy mamandardyń jóndeýinen ótpengen nemese tıýnıngten, sondaı-aq qoldan jasalynǵan japsyrmalardy balqytý (saqtandyrǵyshtar) jáne janarmaı men elektrli qosyndylardyń sapasyz jasalýynan bolýy joǵarǵy oryn alýda. Al qys mezgilinde ylǵal men tuzdyń árekettesýi nátıjesinde «elektr» júıesi erekshe osal bolady.

Alysqa barmaı-aq mysal keltireıik. Qarashanyń 20 kúni Şorsa kóshesinde Mercedes-Benz Sprinter avtokóligi órtendi, órttiń shyǵý sebebi elektr symdardyń qysqa tuıyqtalýy bolyp shyqty. Osyǵan uqsas sebeptermen 22 kúni Tilendıev dańǵylynyń boıynda Lada Granta jáne Saryarqa dańǵyly men Kenesary kósheleriniń qıylysynda qarasha aıynyń 25 kúni Toyota Avalon eki avtokóligi órtendi.

Qys mezgilinde avtokólik órtenýiniń sebepteriniń keń taralǵan túrleri:

- qatyp qalǵan qozǵaltqyshty jyltý maqsatynda otty ashyq túrde qoldaný;

- turmystyq elektroquraldardy tasymaldaý kezinde órt qaýipsizdik erejesiniń buzylýy;

- akkýmýlıatordyń tuıyqtalýy;

- elektr symdarǵa shamadan tys mólsherde júk túsirý, sapasyz qosymsha qurylǵylardy ornatýda (sıgnalızatsııa, tumanǵa qarsy farlar, magnıtola, salonnyń tıýnıngi jáne t.b).

Keıde órttiń sebebi elektr symdardyń durystyǵynan emes, mashına bólshekteriniń joǵarǵy temperatýrada bolýynan bolady. Oıda joqta kútpegen jerde (mysaly, paıdalanylǵan gazdy shyǵaratyn kollektordyń janynan) janarmaı júıesiniń razgermetızatsııasy bolýy múmkin.

Sondaı-aq avtokólikterdiń órtenýiniń mynandaı da sebepteri bar:

- generator jóndelmegende, sonymen qosa ol janarmaı nasosynyń janynda ornalassa;

- baqylaý-krýız júıesindegi olqylyqtar;

- áınekti jýatyn forsýnkalar;

- qozǵaltqyshtyń jumysyn baqylaıtyn basqarý qurylǵysynyń durys emestigi;

- janarmaı shlangileri qıylyp, janarmaı ystyq kollektorǵa túsýi;

Eger órtten qutylýdyń joly bolmaǵan jaǵdaıda, onda sizdiń is-áreketińiz naqty jáne týra bolý kerek, naqty aıtqanda:

1.Avtokólikti toqtatyńyz;

2. Qozǵaltqyshty óshirińiz;

3. Kapottyń qulpyn bostyńyz, biraq ashpańyz;

4. Jolaýshylardy túsirińiz;

5. «101» qońyraý soǵyńyz jáne órt sóndirýshilerdi shaqyryńyz;

6. Eger bul qaýipti bolmasa, kóliktiń ishindegi órt sóndirgishpen óshirińiz;

7. Órt sóndirý kezinde qozǵaltqysh bóliminde sýdy paıdalanbańyz.

Aıtpaqshy, joǵaryda atalǵan avtokólik órti oqıǵalarynda, órt sóndirý qyzmeti jetkenshe órt sóndirilgen, bul órt sóndirýde durys is-árekettiń júrgizilgeniniń dáleli.