Qaı salalarda qosymsha jumys istegisi keletinderge bos oryndar bar

ASTANA. QazAqparat – Syılyq pen demalysty eseptemegende, jańajyldyq dastarhandy daıyndaýǵa qazaqstandyqtar orta eseppen 20-dan 100 myń teńgege deıin jumsaıdy. Búkil shyǵyndy qosqanda Qazaqstandaǵy ortasha jalaqydan asatyn soma shyǵýy múmkin. Sondyqtan mereke aldynda qosymsha tabys tabý ózekti bola túsedi, dep habarlaıdy QazAqparat HeadHunter resýrsyna silteme jasap.

Búgingi tańda, hh.kz saıtynyń málimetinshe Qazaqstanda negizgi jumyspen ushtastyrýǵa bolatyn 3,5 myńnan astam bos jumys orny ashylǵan.

Bul keshke nemese demalys kúnderi jasalatyn ýaqytsha nemese bir rettik jumys bolýy múmkin.

Bos jumys oryndarynyń basym bóligi (49%) Almatyǵa, 25% Astanaǵa tıesili. Aıta ketý kerek, jumys oryndarynyń 6% múmkindigi shekteýli jandar úshin qoljetimdi.

Negizinen qosymsha jumysty jeke bilim mekemeleri, bólshek saýda jáne IT kompanııalar usynady.

Eń bastysy, bul jumys berýshiler biliktilikke joǵary talap qoımaıdy.

Jańa jylǵa deıin qosymsha tabys tabýdyń eń úlken múmkindigi muǵalimder men oqytýshylarda – 365 usynys.

Ekinshi orynda call-ortalyq operatorlary (281 usynys), odan keıin satý jónindegi menedjerler (275 usynys) jáne satý jónindegi keńesshiler (180 usynys).

Satý menedjeri, jeke júrgizýshi, baǵdarlamashy, ázirleýshiler men jyljymaıtyn múlik agentine qosymsha jumys úshin 800 myń teńgeden artyq jalaqy tóleýge daıyn.

Jańa jyl aldyndaǵy eń joǵary qosymsha tabys 2 jyldan asa tájirıbesi bar iOS mobıldi qosymshasyn ázirleýshige usynylady - 1 125 000 teńge.