Qaı óńirlerde JEO kúrdeli jóndeýden ótedi
ASTANA. KAZINFORM — Bıyl elimizdiń negizgi óńirlerinde 9 energoblokty, 55 qazandyqty jáne 51 týrbınany kúrdeli jóndeýden ótkizý josparlanǵan.
Búgingi tańda jóndeý jumystary eki energoblokta, tórt qazandyqta jáne eki týrbınada júrip jatyr.
«Astana-Energııa» AQ 2-JEO-synda 2 qazandyq agregaty men 1 týrboagregatqa kúrdeli jóndeý júrgiziledi. Stepnogorsk JEO-synda kúrdeli jóndeý 2 qazandyq agregaty men 2 týrboagregatty qamtıdy.
Aqtóbe JEO-synda 3 qazandyq agregaty men 4 týrboagregat jańartylady. «Qazhrom» ES-inde bý týrbınasyn kúrdeli jóndeý josparlanǵan.
Almaty energotorabynda 1-JEO-da qazandyq agregaty men týrboagregat jóndeledi. 2-JEO-da qazandyq agregaty men 2 týrboagregatqa kúrdeli jóndeý jasalady. 3-JEO-da qazandyq agregaty men týrboagregat jańartylady.
Atyraý JEO-synda tizimge 3 qazandyq pen 2 týrboagregat endi. Karabatan Utility Solutions-ta josparda 4 gaz týrbınasy bar, TShO GTES-inde gaz týrbınasyn jóndeý aıaqtaldy, taǵy 3 týrbınany jóndeý qaldy.
Óskemen JEO-synda 4 qazandyq agregaty men 2 týrbına jańartylady. Sogra JEO-synda 3 qazandyq pen 1 týrbına, al Rıdder JEO-synda qazandyq agregaty jáne Buqtyrma GES-inde 1 týrboagregat kúrdeli jóndeýden ótedi.
Jambyl GRES-inde josparǵa 2 energoblokty kúrdeli jóndeý engizilgen. Tarazdaǵy 4-JEO-da qazandyq agregaty jańartylady.
Topardaǵy Qaraǵandy GRES-inde kúrdeli jóndeý 3 qazandyq pen 2 týrboagregatty qamtıdy. «Qarmet» JEO-de — 1 týrboagregat, «Qarmet» AQ 2-JEO-synda — 3 qazandyq pen 1 týrbına jóndeledi. Qaraǵandy 3-JEO-sy 2 qazandyq pen 2 týrboagregatty, al Balqash JEO-sy — 2 qazandyq pen týrboagregatty qamtıdy. Qaraǵandy GRES-1-inde kúrdeli jóndeý qazandyq agregaty men týrboagregatta júrgiziledi.
«SSGPO» AQ Rýdnyı JEO-synda kúrdeli jóndeý qazandyq pen 3 týrboagregatty qamtıdy.
Ekibastuz GRES-1-diń 3 energoblogy, Ekibastuz GRES-2-niń 2 energoblogy jáne «EEK» AQ ES-niń eki energoblogy jańartylady. Pavlodar 1-JEO-synda 3 qazandyq, 2 týrbına kúrdeli jóndeýden ótedi. 2-JEO men 3-JEO-da 5 qazandyq pen 4 týrboagregat jóndeledi.
Mańǵystaý oblysynda MAEK-tiń 1-JEO jáne 2-JEO-synda 4 qazandyq agregaty men 3 týrboagregat jaqsartylady.
Petropavl 2-JEO-synda kúrdeli jóndeý 5 qazandyq agregatyn, týrboagregatty qamtıdy.
Jezqazǵan JEO-synda 2 qazandyq kúrdeli jóndeýden ótedi.
Shymkent 3-JEO-sy qazandyq agregatyna kúrdeli jóndeý júrgizedi.
Aıta ketelik Kókshetaýdaǵy jańa JEO 200 myńǵa jýyq turǵyndy jylýmen qamtıdy.