Qaı óńirdiń turǵyndary sotqa jıi aryz túsiredi
Bıyl alǵashqy jartyjyldyqta qazaqstandyqtar tarapynan elimizdegi sottarǵa 289 500 ótinish túsken. Muny QazAqparat tilshisiniń saýalyna joldanǵan QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń jaýabynda jazylǵan.
«Bıyl 6 aıda birinshi satydaǵy sottardyń qaraýyna 289 500 ótinish kelip tústi. Bul ótken jyldyń sáıkes kezeńimen salystyrǵanda 19,1%-ǵa artyq. 199 692 ótinish boıynsha is qozǵaldy. Bul byltyrmen salystyrǵanda 33,9%-ǵa kóp. Qanaǵattandyrylǵan talap aryzdar – 117 985, bas tartylǵan aryzdar – 15 006», - delingen Quqyqtyq statıstıka jáne arnaıy esepke alý jónindegi komıteti usynǵan derekterde.
Eń kóp ótinish Almaty, Astana, Shymkent qalalarynda, Qaraǵandy jáne Almaty oblystarynyń sottaryna túsken. Naqty toqtalsaq:
- Astana – 22 545 ótinish;
- Almaty - 69 254 ótinish;
- Shymkent - 14 318 ótinish;
- Abaı oblysy - 7 692 ótinish;
- Aqmola oblysy - 8 777 ótinish;
- Aqtóbe oblysy - 11 363 ótinish;
- Almaty oblysy - 16 994 ótinish;
- Atyraý oblysy - 9 133 ótinish;
- Shyǵys Qazaqstan oblysy - 10 510 ótinish;
- Jambyl oblysy - 12 163 ótinish;
- Jetisý oblysy - 7 825 ótinish;
- Batys Qazaqstan oblysy - 9 902 ótinish;
- Qaraǵandy oblysy - 20 532 ótinish;
- Qostanaı oblysy - 11 882 ótinish;
- Qyzylorda oblysy - 10 299 ótinish;
- Mańǵystaý oblysy - 9 401 ótinish;
- Pavlodar oblysy - 12 712 ótinish;
- Soltústik Qazaqstan oblysy - 6 352 ótinish;
- Túrkistan oblysy - 13 785 ótinish;
- Ulytaý oblysy - 3 126 ótinish.
«Sot elimizdiń kelesi óńirlerinde túsken ótinishterden bas tartty: Almaty (3 358), Astana (2 210) qalalarynda, Qaraǵandy (993), Qostanaı (739) jáne Aqtóbe (689) oblystary», - delingen QazAqparat tilshisiniń saýalyna oraı berilgen komıtet jaýabynda.
