Qaı óńirde jıi otbasyn qurady

ASTANA. KAZINFORM – Nekelesý kórsetkishi Astana qalasynda – 1000 adamǵa 6,75, sondaı-aq Qaraǵandy (6,32) jáne Shyǵys Qazaqstan (6,27) oblystarynda jıirek tirkelgen. Eń tómen kórsetkish Qyzylorda oblysynda – 5,06. 

Jalpy nekelesý koeffıtsıenti 1000 adamǵa shaqqanda 5,69 boldy. Nekelesý kórsetkishi Astana qalasynda – 1000 adamǵa 6,75, sondaı-aq Qaraǵandy (6,32) jáne Shyǵys Qazaqstan (6,27) oblystarynda jıirek tirkelgen. Eń tómen kórsetkish Qyzylorda oblysynda – 5,06.

Qalalyq jerde 78,9 myń neke tirkelse (68,1%), aýyldyq jerde – 37 myń (31,9%).

Alǵash ret nekege turǵandardyń ortasha jasy erler arasynda 27,9 jas, áıelder arasynda – 25,3 jas.

Erler arasynda alǵash ret nekege turǵandardyń úlesi 77%, áıelder arasynda 78% boldy. Ajyrasqannan keıin nekege qaıta turǵandardyń úlesi erlerde – 22%, áıelderde – 21%.

2025 jyly nekeniń basym bóligi jaz aılarynda tirkelgen: maýsym – 11 848, shilde – 12 955, tamyz – 12 418.

Byltyr otaý qurǵandardyń 80,4%-da monoetnostyq neke bolsa, 19,6% – ultaralyq neke.

2025 jyly 45,7 myń ajyrasý tirkeldi. Olardyń 34 myńy (74,4%) qalalyq jerde tirkelse, aýyldyq jerde – 11,7 myń (25,6%).

Jalpy jyldyq ajyrasý koeffıtsıenti 1000 adamǵa shaqqanda 2,24 boldy. Eń joǵary koeffıtsıent Pavlodar oblysynda – 3,43, sondaı-aq Qaraǵandy (3,41) jáne Soltústik Qazaqstan (3,28) oblystarynda tirkeldi. Eń tómengi kórsetkish Túrkistan oblysynda – 1,03.

Nekede turý uzaqtyǵyna qaraı ajyrasýlardyń eń úlken úlesi (35%) 1-4 jyl otaý quraǵandarǵa tıesili. 5-9 jyl birge turǵandar arasyndaǵy ajyrasý – 24%, al úılengennen keıin bir jyl ishinde ajyrasqandar úlesi 8%.

Aıta ketelik elde ajyrasý sany sońǵy bes jylda 16%-ǵa azaıdy.