Qaı óńirde qurylys qarqyny artty

ASTANA. KAZINFORM – 2026 jylǵy qańtarda qurylys jumystarynyń kólemi 14,4% ulǵaıyp, 172 mlrd teńge boldy. 

Qurylys jumystary kóleminiń ulǵaıýy turǵyn úıler (2,2 ese) ımarattar (57,8%) salý jáne jóndeý jumystarynyń ósýimen baılanysty.

Oryndalǵan qurylys jumystarynyń (qyzmetteriniń) túrleri boıynsha negizgi úles avtomobıl, temir jol jáne metro (30,1% barlyq kólemnen), turǵyn emes ǵımarattar (19,2%) jáne turǵyn ǵımarattar (11,4%) qurylysy jumystaryna tıesili.

— Óńirlik bóliniste qurylys jumystarynyń kóleminiń ulǵaıýy respýblıkanyń 18 óńirinde baıqaldy. Aıtarlyqtaı ósim Qaraǵandy (39,4%), Túrkistan (36,7%), Soltústik Qazaqstan (35,1%), Aqtóbe (23,4%), Jetisý (21,4%), Batys Qazaqstan (19,1%) jáne Qyzylorda oblystarynda (11,3%), sondaı-aq Astana (30,8%) jáne Almaty (18,3%) qalalarynda tirkeldi, — delingen habarlamada.  

Elde 2026 jylǵy qańtarda paıdalanýǵa berilgen jańa obektilerdiń jalpy alańy 1291,8 myń sharshy metr.

Onyń ishinde qoldanysqa berilgen turǵyn úılerdiń jalpy alańy bir jylda 42,4% kóbeıip, 1 091 myń sharshy metr, ondaǵy 727,6 myń sharshy metr — kóp páterli jáne 359,8 myń sharshy metr jeke úıler boıynsha.

Bilim berý jáne densaýlyq saqtaý salasynda 1080 oqýshyǵa arnalǵan 3 jalpy bilim beretin mektep jáne 332 orynǵa arnalǵan mektepke deıingi 2 uıym berilgen.

Aıta ketelik Bektenov qurylystaǵy otandyq materıaldardyń úlesin turaqty qadaǵalap otyrý kerek ekenin aıtqan.