Qaı óńirde qyz-kelinshekter kóp turady

ASTANA. KAZINFORM — Qazaqstandaǵy áıelder sany 10 381 377, bul elimizdegi jalpy halyq sanynyń 51,1%. Sońǵy on jylda áıelder sany 15,2% ósti. Áıelderdiń 64,4% qalalarda, 35,6% – aýyldyq jerlerde turady.

— Áıelder sany boıynsha óńirler arasynda Almaty alda keledi — 1,2 mln áıel. Ekinshi orynda Túrkistan oblysy — 1 mln áıel, al úshinshi orynda 803 myń arýy bar Astana, — delingen Ulttyq statıstıka bıýrosynyń málimetinshe.

Sońǵy on jylda áıelder sanynyń eń joǵary ósimi elordada baıqalǵan — 82,1%. Almatyda qyz-kelinshekter sany 37,5%, Mańǵystaý oblysynda 32,5% ósken.

Jas quramy boıynsha áıelderdiń 3,3 mln 18 jasqa deıingi jasta, 18-60 jas aralyǵyndaǵylardyń sany 5,3 mln jáne 60 jastan asqan apalar sany 1,7 mln Qazaqstandaǵy áıelderdiń ortasha jasy 34,1 jas.

Búgingi tańda 4,4 mln áıel ártúrli salalarda jumys isteıdi, olardyń basym bóligi bilim berý, saýda jáne densaýlyq saqtaý salalarynda eńbektenedi.

Aıta ketelik qyzdar «sulýlyqqa» qansha aqsha jumsaıtyny týraly jazǵan edik.