Qaı óńir JÓÓ ósimi boıynsha kósh bastady
ASTANA. KAZINFORM – 2025 jylǵy óndirilgen Jalpy ishki ónimniń (JІÓ) kólemi (naqtylanǵan derekter boıynsha) 159608552,9 mln teńgeboldy. JІÓ ótken jylmen salystyrǵanda naqty mánde 6,5%-ǵa ósti.
Naqty mánde kólik jáne jınaqtaý (19,4%), qurylys (17,5%), saýda (8,1%), ónerkásip (7,7%), aqparat jáne baılanys (6,4%) salalary eń kóp ósimdi kórsetti.
— Jalpy óńirlik ónimniń (JÓÓ) joǵary ósim qarqyny Túrkistan oblysynda (13%), Soltústik Qazaqstan oblysynda (11,6%) jáne Astana qalasynda (10,2%) baıqaldy. 2025 jyly JІÓ qurylymyndaǵy eń joǵarǵy úlesti Almaty qalasy (22,7%), Astana qalasy (12,3%) jáne Atyraý oblysy (10,4%) aldy.
Jan basyna shaqqandaǵy JІÓ 7827,2 myń teńgeni nemese 15006,4 AQSh dollar boldy. Óńirler bólinisinde Atyraý oblysy (23332 myń teńge), Almaty qalasy (15601,1 myń teńge), Ulytaý oblysy (13831,8 myń teńge) jáne Astana qalasy (12370 myń teńge) kósh bastap tur, — delingen Ulttyq statıstıka habarlamasynda.
Jyl qorytyndysy boıynsha 2025 jyly baqylanbaıtyn ekonomıkanyń JІÓ-gi úlesi 15,69% boldy jáne ótken jylmen salystyrǵanda 1,02 paıyzdyq tarmaqqa qysqardy. JÓÓ-degi baqylanbaıtyn ekonomıka úlesiniń barynsha qysqarýy Ulytaý (5,78 p. t.), Abaı (4,43 p. t.) jáne Atyraý oblysynda (3,92 p. t.) baıqaldy.
Aıta ketelik Qazaqstannyń JІÓ kólemi 2026 jylǵy alǵashqy úsh aıda 34,1 trln teńge boldy.
