Qaı óńir jalaqy ósimi boıynsha kósh bastap tur

ASTANA. KAZINFORM — El boıynsha 2025 jylǵy ІІ toqsandaǵy jalaqynyń medıanalyq mólsheri (jalaqy qataryndaǵy ortalyq deńgeı) 316 152 teńge boldy. 

Shaǵyn kásipkerlik sýbektilerin qospaǵanda, ataýly ortasha jalaqy 448 620 teńge boldy. Ataýly jalaqy ındeksi ótken jyldyń sáıkes toqsanyna qaraǵanda 111,3%.

— 2024 jyldyń sáıkes toqsanymen salystyrǵanda eń joǵary ortasha aılyq jalaqy ósimi kelesi salalarda tirkeldi: aqparat jáne baılanys — 24%, aýyl, orman jáne balyq sharýashylyǵy — 23,7%, elektr energııasymen, gazben, býmen, ystyq sýmen jáne kondıtsııalanǵan aýamen jabdyqtaý — 16,9%, kóterme jáne bólshek saýda; avtomobılder men mototsıklderdi jóndeý — 16,1%. Densaýlyq saqtaý jáne bilim berý salalarynda ortasha aılyq jalaqy 7,8%-ǵa ósti, — delingen Ulttyq statıstıka bıýrosy habarlamasynda.

Aımaqtyq turǵyda 2025 jyldyń ekinshi toqsanynda ortasha ataýly aılyq jalaqynyń eń joǵary ósimi Jetisý oblysynda — 18,4%, Astana qalasynda — 15,4%, Almaty qalasynda — 15,3%, Almaty oblysynda — 14,6% jáne Qaraǵandy oblysynda — 14% boldy. 

Aıta ketelik 4 kúndik jumys aptasyna aýyssa qazaqstandyqtardyń jalaqysy qalaı esepteletini jóninde jazǵan edik.