Qaı óńir balyq ónimderin kóp tutynady

ASTANA. KAZINFORM – 2025 jyldyń qańtar–qazan aralyǵynda naqty mánde 36,2 myń tonna salqyndatylǵan jáne muzdatylǵan balyq óndirildi. Bul týraly Ulttyq statıstıka bıýrosy habarlady. 

Bul 2024 jyldyń sáıkes kezeńimen salystyrǵanda 5,6 myń tonnaǵa kóp. Jalpy óndiris ótken jyldyń qańtar–qazan aılarymen salystyrǵanda 18,4% ósti.

Konservilengen balyq, ýyldyryq jáne onyń balamalaryn óndirý kólemi de atalǵan kezeńde 18,6% artty. Eger bıylǵy jyldyń 10 aıynda qazaqstandyq óndirýshiler 12,3 myń tonna ónim shyǵarsa, ótken jyldyń osyndaı kezeńinde bul kórsetkish 10,4 myń tonna bolǵan.

2025 jyldyń ekinshi toqsanynda balyq jáne teńiz ónimderin ortasha tutyný bir adamǵa shaqqanda toqsanyna 3,5 kg boldy. Onyń ishinde jańa aýlanǵan nemese salqyndatylǵan balyq - 2,3 kg, muzdatylǵan balyq - 0,3 kg, maıshabaq - 0,2 kg, konservilengen balyq - 0,1 kg.

Óńirler arasynda balyq ónimderin eń joǵary tutyný Soltústik Qazaqstan oblysynda baıqaldy - toqsanyna jan basyna shaqqanda 5,7 kg. Aqmola oblysynda - 5,6 kg, Atyraý oblysynda - 5 kg, Qostanaı jáne Batys Qazaqstan oblystarynda - 4,9 kg-nan. Eń tómen kórsetkish Shymkentte tirkeldi - toqsanyna jan basyna 1,1 kg. 

Aıta ketelik ShQO-da jylyna 50 tonna ónim beretin balyq ósirý kesheni salynady.