Qaı óńirlerde órt qaýpi joǵary
NUR-SULTAN. QazAqparat - Qazaqstannyń tórt aýmaǵynda 70 orman jáne 513 dala órti tirkeldi. Bul týraly Ortalyq kommýnıkatsııalar qyzmetindegi brıfıngide QR ishki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.
«Qazirgi ýaqytta biz órtke qarsy sharalardy júzege asyrýǵa kirisip kettik. Buǵan deıin aıtanymyzdaı, Qazaqstan aýmaǵyna kóktem 2 apta jýyq erte keldi. Sondyqtan órt qaýpi Túrkistan, Batys Qazaqstan, Almaty jáne Pavlodar oblystarynda saqtalyp otyr. Bul óńirlerde 70 orman órti jáne 513 dala órti tirkeldi», - dedi mınıstr orynbasary.
Onyń aıtýynsha, osyǵan baılanysty oblystyq tótenshe jaǵdaılar departamentteriniń mamandary jergilikti polıtsııa qyzmetkerlerimen birge orman alaptary men adamdar demalatyn jerlerdi sholǵyndaý jumysyna kirisken.
«156 adam ustalyp, ákimshilik jaýapkershilikke tartyldy. Olarǵa orman jáne dala órtteriniń shyǵýyna sebep bolǵany úshin aıyppul salyndy. Bul jumystar aldaǵy ýaqytta da jalǵasa beredi», - dedi ıÝrıı Ilın.
