Qaı óńirler bıýdjet qarajatyn nashar ıgerdi

NUR-SULTAN. QazAqparat –QR Premer-Mınıstrniń orynbasary – Qarjy mınıstri Erulan Jamaýbaev bıýdjet ıgerýde sylbyrlyq tanytyp otyrǵan óńirlerdi atady, dep habarlaıdy QazAqparat tilshisi.

«Jergilikti bıýdjetterdiń shyǵystary 6,3 trln teńgeni qurady. Atqarylmaǵany – 155 mlrd teńge. Bıyl óńirlerge 3,3 trln teńge somasynda nysanaly transfertter kózdelgen. Olarǵa 1 qyrkúıekke 1,9 trln teńge bólingen. Onyń 95,6%-i ıgerilgen.

Atqarylmaǵany – 85 mlrd teńge, onyń ishinde 7 mlrd teńge – únemdelip, 78 mlrd teńge ıgerilmegeni.

Bıýdjet qarajatyn ıgere almaı kórsetkishi Almaty, Mańǵystaý, Qaraǵandy jáne Túrkistan oblystarynda qalyptasty», - dedi ol Úkimet otyrysynda.

Vıtse-Premerdiń málimeti boıynsha, bıýdjetti ıgermeýdiń negizgi sebepterine jobalaý-smetalyq qujattamany túzetý, oryndalǵan jumystar aktilerin ýaqytyly usynbaý, konkýrstyq rásimderdi uzaq ótkizý, qazynashylyq organdaryna tóleýge beriletin shotty kesh usyný jaǵdaılary alǵyshart bolǵan.