Qaı óńirdiń turǵyndary memlekettik qyzmetke kóbirek qol jetkizetini belgili boldy

ASTANA. QazAqparat - «Úkimet - azamattar úshin» memlekettik korporatsııasy arqyly memlekettik qyzmetterdi tutyný boıynsha Ońtústik Qazaqstan oblysy kósh bastap tur, dep habarlaıdy «QazAqparat» HAA.

Memlekettik korporatsııasynyń qoǵammen baılanys jónindegi departamentiniń dırektory Murat Jumanbaıdyń bergen málimetinshe, ońtústikqazaqstandyqtarǵa 10 aıda 4 893 258 memlekettik qyzmet kórsetilgen, bul búkil respýblıka boıynsha qyzmetterdiń (34 295360) 8,5%-y.

Ekinshi orynda 3 682 765 qyzmet kórsetilgen Almaty qalasy keledi. Úzdik bestiktiń qataryn Almaty oblysy (3 487 489), Astana qalasy (2 949 603) jáne Qaraǵandy (2 628 148) oblysy túgendep tur.

Reıtınginiń sońyna qaraı Batys (1 230 863) jáne Soltústik Qazaqstan oblystary (1 219 849) ornalasqan, al tizimdi qorytyndylap turǵan Atyraý oblysynda turǵyndarǵa kórsetilgen memlekettik qyzmetterdiń jalpy sany 1 046 245-ti qurap otyr.

Al memlekettik qyzmetterdi tutynýdyń jan basyna shaqqandaǵy kórsetkishi boıynsha Astana turǵyndary alda keledi. Elordalyqtardyń árbirine on aıda orta eseppen 2,9 qyzmet kórsetilgen.

Bul reıtıng boıynsha, joǵary oryndarda Soltústik Qazaqstan (jan basyna 2,18 qyzmet), Mańǵystaý (2,07) oblystary jáne Almaty qalasy tur. Ońtústik astananyń árbir turǵynyna ortasha 2,06 memqyzmet kórsetilgen. Azamattardyń belsendiligin bildiretin bul reıtıngtiń bestigin 2,02 kórsetkishimen Aqmola oblysy qorytyndylaıdy.