Qaı óńirdiń polıtseıleri jemqorlyqqa beıim – Agenttik esebi

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi Іshki ister organdaryndaǵy jemqorlyq qylmystar monıtorınginiń qorytyndysyn jarııalady, dep habarlaıdy QazAqparat tilshisi.

«Іshki ister organdary júıesindegi tergeýshiler, ýchaskelik ınspektorlar, jol-patýrldik qyzmet ınspektorlary qylmystar men buzýshylyqtardyń betin jabý úshin para alyp otyrǵan. Túzetý júıesiniń qyzmetkerleri kóbinese sottalǵandardy «jeńildetilgen» jaǵdaımen qamtamasyz etý úshin (telefon qoldaný, jumysqa ornalastyrý, tyıym salynǵan zattardy tasymaldaý), probatsııa baqylaýyndaǵy adamdardyń oblys aýmaǵynan tys jerlerge shyǵýyn jyldamdatý syıaqy alǵan», - dedi Preventsııa departamentiniń basshysy Anar Jarova agenttiktiń baspasóz ortalyǵynda ótken brıfıngte.

Onyń aıtýynsha, tótenshe jaǵdaılar bólimsheleriniń qyzmetkerleri de jemqorlyqtan shet qalmaǵan. Olar órt qaýipsizdigi talaptaryn saqtamaǵany úshin, sondaı-aq jumysqa qabyldaý kezinde jalpy qamqorlyq kórsetkeni úshin zańsyz qarajatqa ıe bolǵan.

Sonymen birge, spıker polıtsııadaǵy sybaılas jemqorlyq qylmystarynyń respýblıkanyń barlyq óńirlerine tán ekenin, biraq sońǵy bir jylda sottalǵandardyń eń kóp sany Nur-Sultan (42 qyzmetker), Almaty (26), Shymkent (23) jáne Jambyl oblysynyń (19) qalalaryndaǵy polıtsııa departamentterde bolǵanyn atap ótti.