Qaı óńirde jemqor polıtseı kóp

ASTANA. QazAqparat – Osy jyldyń qańtar-qazan aılarynyń qorytyndysynda ishki ister organdarynyń 123 qyzmetkeri jemqorlyq isimen ustalǵan. Bul byltyrǵydan 12,1 paıyzǵa tómen, dep habarlaıdy QazAqparat tilshisi.

Finprom.kz portalynyń dereginshe, sybaılas jemqorlyq qylmys jasaǵan ishki ister organdary qyzmetkerleriniń jartysyna jýyǵy para alý kezinde ustaldy: 61 qyzmetker, byltyrǵydan 7 paıyzǵa kóp.

Taǵy 33,3 paıyzy sybaılas jemqorlyqqa qatysty alaıaqtyqpen qolǵa tústi: 41 adam, bir jylda birden 24,2 paıyzǵa kóbeıgen.

8 adam qyzmettik ókilettikterin teris paıdalanǵany úshin, 7 adam para berý kezinde, 2 adam bıligin nemese laýazymdyq ókilettigin asyra paıdalanǵany, para alýǵa deldaldyq jasaǵany, sondaı-aq qyzmette áreketsizdigi úshin ustaldy.

Óńirler boıynsha sybaılas jemqorlyqqa jol bergen sheneýnikterdiń — ishki ister organdary qyzmetkerleriniń basym bóligi Almatyda (bir jyl burynǵydaı 15 adam) jáne Túrkistan oblysynda (15 adam, bir jyl buryn 6 adam bolǵan) tirkeldi.

Odan keıin Soltústik Qazaqstan (14 adam), Aqtóbe (11 adam) jáne Qaraǵandy (10 adam) oblystary tur.

Іshki ister organdaryndaǵy jemqorlar elimizdiń 20 óńiriniń 17-sinde bar.