Qaı óńirde iri qara sany kóp – statıstıka

ASTANA. QazAqparat – Іri qara men qoı sany boıynsha Túrkistan oblysy kósh bastap tur. Bul týraly Ulttyq statıstıka bıýrosynan málim etti, dep habarlaıdy QazAqparat.

1 qazandaǵy jaǵdaı boıynsha eldegi iri qara mal sany 8 963 856 basty qurady (2021 jyldyń sáıkes kezeńimen salystyrǵanda 4,7% kóp). Qoı malynyń bas sany – 20 960 522, jylqy – 3 785 680, qus sany – 50 019 554.

Іri qara men qoı sany boıynsha Túrkistan oblysy kósh bastap tur, sáıkesinshe 1 141 809 jáne 4 764 667 bas. Jylqy sany boıynsha da Túrkistan oblysy birinshi orynda – 414 941 bas. Túıe sany boıynsha Mańǵystaý oblysy – 83 350 bas, al qus sany Almaty oblysynda eń kóp – 9 429 133 bas.

Sondaı-aq málimetke sáıkes, 2022 jyldyń qańtar-qyrkúıek aralyǵynda Qazaqstanda 5 087,7 myń tonna sút óndirildi, bul ótken jyldyń sáıkes kezeńimen salystyrǵanda 1,8% kóp. Budan bólek, osy merzimde 3824,4 mln dana taýyq jumyrtqasy óndirildi. 846 959,1 tonna mal men qus eti soıylyp, ótkizildi», - delingen statıstıkalyq derekte.