Qaı oblystar jumyspen qamtý agenttikteriniń qyzmetin jıi paıdalanady
NUR-SULTAN, QazAqparat - Birinshi jartyjyldyqta Qazaqstandaǵy jumyspen qamtý qyzmeti 204,2 mlrd teńgeni qurady. 2018 jyldyń birinshi jartyjyldyǵynda kórsetilgen qyzmetterdiń naqty kólem ındeksi – 125,8%, dep habarlaıdy QazAqparat EnergyRrom-ǵa silteme jasap.
Jalpy alǵanda, 2018 jyly salalyq qyzmetterdiń kólemi rekordtyq 344,4 mlrd teńgeni qurady (2017 jyly 236,7 mlrd teńge bolǵan).
«QR aımaqtarynyń ishinde jumyspen qamtý agenttikteri men uıymdarynyń qyzmetin eń kóp qoldanatyn Atyraý oblysy bolyp shyqty. 204,2 mlrd teńgeniń 173,2 mlrd teńgesi osy aımaqqa tıesili. Bul ótken jylmen salystyrǵanda 36,3% -ǵa kóp. Ekinshi orynda - Almaty: 11,8 mlrd teńge, bir jyldyq ósim - 3,2%. Kóshbasshylardyń alǵashqy úshtigin BQO túıindeıdi: 9,3 mlrd teńge, bir jyldyq ósim - 33,1%», - delingen saıtta.
Soltústik Qazaqstan (3,9 mln teńge) men Túrkistan oblysy (10,2 mln teńge) jumyspen qamtý agenttikteri men uıymdary arqyly kóp jumys izdeı qoımaıdy.
Salalyq qyzmet kóleminiń tórtten úsh bóligi – 156,7 mlrd teńge personalmen jumys isteıtin uıymdarǵa (ulttyq kompanııalar qurǵan uıymdardan basqa) tıesili.
Qyzmet kórsetý kólemi boıynsha ekinshi orynda - jumyspen qamtý agenttikteri (46 mlrd teńge), úshinshi orynda - ýaqytsha jumyspen qamtý agenttikteri (1,1 mlrd teńge) tur. Ulttyq kompanııalar qurǵan uıymdardyń úlesi - 425,7 mln teńge.
