Qaı memlekettegi ýchaske jumysyn eń birinshi bastaıdy
ASTANA. KAZINFORM — Referendým kúni Japonııadaǵy ýchaske eń aldymen ashylady. Bul jóninde QR Ortalyq referendým komıssııasy málimdedi.
Tokıodaǵy daýys berý ortalyǵy jergilikti ýaqytpen saǵat 07:00–de jumysqa kirisedi.
Al QR Syrtqy ister mınıstrliginiń málimetinshe, AQSh-tyń San-Frantsısko shaharyndaǵy ýchaske eń kesh ashylady.
Buǵan deıin habarlaǵanymyzdaı, referendým kúni 54 eldegi Qazaqstan azamattary daýys bere alady. Shet memleketterde 71 ýchaske ashyldy. Al shetelderde daýys beretin Qazaqstan azamattarynyń sany — 14 230 adam.
Sondaı-aq shetelderde referendým komıssııalary qurylǵan. Olardyń barlyq múshesi «Respýblıkalyq referendým týraly» QR konstıtýtsııalyq zańy jáne adam quqyqtary men qajettilikterin bilý boıynsha arnaıy testileýden ótip, sertıfıkat alǵan.