Qaı qyzmette bolsań da jan-tánińdi salyp jumys isteý kerek –Saǵyntaev
NUR-SULTAN. QazAqparat – Almaty qalasynyń ákimi Baqytjan Saǵyntaev Úkimet basshysy men ákim bolýdyń aıyrmashyly jaıly oıymen bólisti, dep habarlaıdy QazAqparat tilshisi.
Almaty qalasy ákiminen OKQ-da ótken baspasóz máslıhatynda «Premer-mınıstr men ákim laýazymynyń aıyrmashylyǵyn sezip jatyrsyz ba?» degen suraq qoıylǵan edi.
«Premer-mınıstr bolmaı turyp ta ákim bolǵanmyn. Pavlodar oblysynda qyzmette boldym. Ákim bolyp, premerlikke – keıin qaıta ákimdikke keldim. Mundaı jumys istesek – sharshaý degen bolmaý kerek. Shabyttana atqarǵan abzal. Qaı qyzmette bolsań da jan-tánińdi berip, jumys istemeseń – otyrǵan orynnan eshqandaı paıda bolmaıdy. Másele bastyq bolǵanda emes. Qaı qyzmette otyrsań da osy», - dedi Baqytjan Saǵyntaev.
Almaty qalasynyń ákimi óz sózinde ózine úlken senim artylyp otyrǵanyn aıtyp ótti.
«Senimdi aqtaý kerek. Halyqtyń úmiti zor. Mysaly, Úkimet basshysynan keıin ákimniń múmkindigi joǵary. Óıtkeni, seniń kózqarasyń basqasha. Premer bolǵanda búkil Qazaqstannyń ekonomıkasyn qarap otyrdym. Al munda sheshim shyǵarý qabiletiń basqasha qalyptasady. Úlken tájirıbeden ótesiń. Bul jóninde jasaǵan bes aıdyń ishinde baǵdarlamalarymyz – Úkimette jınalǵan tájirıbeniń nátıjesi», - dedi ol.
