Qaı kezden bastap ózendegi muz ústinde konkı tebýge bolady

NUR-SULTAN. QazAqparat – Nur-Sultan qalasy Tótenshe jaǵdaılar departamenti bastyǵynyń orynbasary Esen Baıyrov muz ústindegi qaýipsizdik erejelerin túsindirdi, dep habarlaıdy QazAqparat tilshisi.

«Sý aıdyndarynda konkımen syrǵanaý alańdaryn paıdalanýǵa muzdyń beriktigin muqııat teksergennen keıin ruqsat etiledi. Onyń qalyńdyǵy keminde 12 sm, al jappaı syrǵanaý kezinde keminde 25 sm bolýy tıis», - dedi E. Baıyrov elora ákimdiginiń baspasóz ortalyǵynda.

Onyń aıtýynsha, sý aıdynda shańǵymen muz ústimen ótken kezde tóselgen shańǵy jolyn paıdalanýǵa keńes beriledi. Al jol bolmaǵan kezde, qozǵalmas buryn shańǵylardyń bekitpesin sheship, shańǵy taıaqtarynyń ilmekterin qol ushynan alý kerek.

«Rıýkzakty nemese sómkeni bir ıyqqa alý kerek. Shańǵyshylar arasyndaǵy qashyqtyq 5-6 metr bolýy tıis. Qozǵalys kezinde alda kele jatqan shańǵyshy taıaqtardyń soqqylarymen muzdyń beriktigin tekserip, onyń jaǵdaıyn baqylaıdy», - dedi Esen Baıyrov.

Budan buryn habarlanǵandaı, brıfıng kezinde muz ústindegi qaýipsizdik erejeleri túsindirildi.