Qaı eldiń azamattary Qazaqstan aýmaǵynda asa aýyr qylmysty jıi jasaıdy

ASTANA. KAZINFORM — 2023 jyldyń qorytyndysynda 32 shet memlekettiń azamaty Qazaqstan aýmaǵynda quqyq buzýshylyq jasaǵany anyqtaldy. Mundaı derekti Bas prokýratýra habarlady.

Vedomstvo usynǵan derekke sáıkes, ótken jyly sheteldik azamattar elimizdiń aýmaǵynda 2072, onyń ishinde 301 jat qylyq, 584 jeńil, 95 asa aýyr, 772 ortasha aýyr jáne 320 aýyr qylmys jasaǵan.

Azamattary jıi quqyqbuzýshylyq jasaǵan elderdiń bestiginde Ózbekstan (822), Reseı (439), Tájikstan (203), Qyrǵyzstan (184) jáne Pákistan (144) bar.

Bul memleketterdiń ishinde 40 ózbekstandyq, 18 reseılik, 9 tájikstandyq, 9 qyrǵyzstandyq, 8 ırandyq, 6 ýkraınalyq, 2 túrkııalyq, 1 pákistandyq, 1 belarýs asa aýyr qylmys jasaǵan.

Jalpy byltyr elimizdiń aýmaǵynda myna elderdiń azamattary túrli quqyq buzýshylyq jasap, qolǵa tústi: Ázerbaıjan (55), Ýkraına (23), Qytaı (16), Belarýs (14), Mońǵolııa (14), Túrkııa (14), Túrikmenstan (13), Aýǵanstan (10), Iran (10), Armenııa (8), Bangaldesh (8), Úndistan (8), Nepal (8), Grýzııa (7), Shrı Lanka (4), Moldova (3), Serbııa (3), Germanııa (2), Italııa (2), Nıgerııa (2), Ulybrıtanııa (1), Koreıa Halyq Demokratııalyq Respýblıkasy (1), Ońtústik Koreıa (1), BAÁ (1), AQSh (1), Frantsııa (1), Horvatııa (1).