Qaı eldiń azamattary Qazaqstan zańdaryn jıi buzady

ASTANA. QazAqparat – Bıyl 33 myńnan astam sheteldik Qazaqstan zańnamasyn buzǵany úshin ákimshilik jaýapkershilikke tartyldy. Bul týraly Іshki ister mınıstrliginen málim etti, dep habarlaıdy QazAqparat tilshisi.

«Eńbek qyzmetin júzege asyrýǵa qajetti ruqsattardy almastan, Qazaqstan Respýblıkasynda jumys istegeni úshin Ákimshilik quqyq buzýshylyq týraly zańnamanyń 517-babynyń 5-tarmaǵyna sáıkes, 25 aılyq eseptik kórsetkish (86 250 teńge) mólsherinde aıyppul salýǵa ne 10 táýlikke deıingi merzimge ákimshilik qamaqqa alýǵa ne Qazaqstan Respýblıkasynyń sheginen ákimshilik jolmen shyǵaryp jiberýge ákep soǵady. 2023 jyly 33 704 sheteldik azamat ákimshilik jaýapkershilikke tartyldy, onyń ishinde 3 245 azamat Qazaqstan aýmaǵynan shyǵaryldy», - dep atap ótedi mınıstrlikten agenttiktiń resmı saýalyna bergen jaýabynda.

Osy rette mınıstrlik elimizdiń zańnamasyn qaı shet memleketterdiń azamattary jıi buzatynyn atady.

«Qazaqstan zańnamasyn jıi buzǵan elder: Ózbekstan – 20 536, Reseı – 3 810, Tájikstan – 1 436, Qyrǵyzstan – 744 adam. Bas bostandyǵynan aıyrý oryndarynda 513 sheteldik otyr», - dedi vedomstvodan.