Qaı eldiń azamattary Qazaqstan shekarasynan zańsyz ótýge tyrysady
NUR-SULTAN. QazAqparat - QR Ulttyq qaýipsizdik komıteti tóraǵasynyń orynbasary - Shekara qyzmetiniń dırektory Darhan Dilmanov Qazaqstan shekarasyn zańsyz kesip ótetinderge qatysty túsinik berdi, dep habarlaıdy QazAqparat tilshisi.
Onyń sózine qaraǵanda, memlekettik shekaramen qatar, shekara keńistigin buzatyndar kezdesedi. Olar elimizdiń mıgratsııalyq zańnamasyn da buzady.
Osy oraıda tilshiler kóbinese qaı elderdiń azamattary qazaqstandyq shekarany buzatyndyǵyn surady.
«Bul rette Ortalyq Azııa óńiriniń barlyq elderin aıtýǵa bolady. Azamattar tabysy joǵary jumysty izdeý maqsatynda basqa elge ótý úshin memlekettik shekarany tranzıt retinde paıdalanady. Sondyqtan basqa memleketke jetý turǵysynda tranzıt el retinde olar Qazaqstan arqyly ótkendi jıi qarastyrady», - dedi Dilmanov Parlament Májilisinde tilshiler saýalyna jaýap bere otyryp.
«Bul máseleni biz baqylaýda ustap turmyz. Biz adamdardy ustaýmen qatar, esirtki zattaryn da anyqtaımyz. Sonymen qatar, Kaspıı teńizinde brakonerlikpen kúreste birlesken jedel aldyn alý sharalary da eskerilgen. Bıylǵy kóktemde biz sýdan 400 shaqyrymǵa jýyq túrli brakonerlik zattardy (aý men torlar) alyp shyqtyq. Osy oraıda mıllıardtaǵan teńgege teńizdegi bıoresýrstardy saqtaýǵa múmkin boldy», - dedi Shekara qyzmetiniń dırektory.
