Qaı bank memleketten alǵan kómegin tolyǵymen qaıtardy

ASTANA. KAZINFORM — Elimizdiń ekinshi deńgeıli bankteri memleketten kómek retinde alǵan qarajattarynyń 700 mlrd teńgeden astamyn qaıtardy. Bul týraly Ulttyq bank tóraǵasy Tımýr Súleımenov aıtty.

— Sońǵy 1-2 jylda Halyk Bank 250 mlrd teńge qaıtardy. RBK bank tolyq ótedi. Ol keshe 178 mrld teńgeni qaıtaryp, mámileni japtyq. Bıyl olar jalpy shamamen 230 mlrd teńge qaıtarǵan edi. Nurbank shaǵyn bank bolǵandyqtan memlekettik kómek kólemi de shaǵyn bolatyn. 4,5 mlrd teńgeni qaıtardy. Alatau City Bank ótken jyly 100 mlrd, bıyl 150 mlrd teńge ótedi. Tsentrkredıtbanki 60 mlrd teńgeni tolyq qaıtardy, — dedi Tımýr Súleımenov. 

Onyń aıtýynsha, sońǵy 2 jyldyń ishinde bankter 700 mlrd teńgeden astam memleket kómegin qaıtaryp berdi. 

— Qazirgi ýaqytta memlekettik kómek Nurbank balasynda qalyp otyr. Ol — shaǵyn jáne aınalymy da úlken emes bank. Sondyqtan kómekti ýaqytynan buryn kezeń-kezeńmen qaıtarady. Eýrazııalyq bank pen Alatau City Bank memlekettik kómek qalyp otyr, — dedi Ulttyq bank tóraǵasy.

Aıta keteıik, Ulttyq bank bazalyq mólsherlemeni 18 paıyz deńgeıinde saqtady.