Qaı óńirde neke kóp qıylady

ASTANA. KAZINFORM — Ótken jyly Qazaqstanda 123,6 myń neke tirkeldi. Bul týraly Ulttyq statıstıka bıýrosy habarlady. 

— 1000 adamǵa shaqqandaǵy jalpy nekelesý koeffıtsıenti — 6,13. Nekeniń eń joǵary koeffıtsıenti Astanada — 7,34, Almaty oblysynda — 6,98 jáne Ulytaý oblysynda — 6,70. Eń azy-Batys Qazaqstan oblysynda, ondaǵy kórsetkish 5,58 qurady, — delingen habarlamada.

Ótken jyly úılengenderdiń basym bóligi 20-24 jas aralyǵynda bolǵan, al alǵashqy nekege turýdyń ortasha jasy erlerde — 27,9 jas, áıelderde — 25,2 jas boldy. Jalpy qıylǵan nekeniń 18,2% — aralas neke.

Nekege turǵan qyzdardyń 41%-ynda joǵary bilim bolǵan, erlerdiń 38%-y JOO-da oqyǵan.

Aılar bólinisinde eń kóp neke shilde aıynda tirkelgen — 13 739, eń azy — mamyrda (8453).

Aıta ketelik Qazaqstandyqtar neshe jasta otbasyn quratyny týraly jazǵan edik.