Kavkaz ben Ortalyq Azııa elderindegi beıresmı sektordyń úlesi aıtarlyqtaı úlken - Halyqaralyq valıýta qory
ALMATY. 12 qarasha. QazAqparat - Kavkaz ben Ortalyq Azııa elderinde beıresmı ekonomıkanyń úlesi jalpy ishki ónimniń 15-35 paıyz aralyǵynda. Bul týraly búgin Almatyda ótken Halyqaralyq valıýta qorynyń Kavkaz ben Ortalyq Azııa elderiniń damý keleshegi týraly kezekti baıandamasynyń tanystyrylymynda aıtyldy.
Halyqaralyq valıýta qorynyń málimetine qaraǵanda, ekonomıkadaǵy beıresmı sektor Kavkaz ben Ortalyq Azııanyń barlyq elderinde keń taralǵan. Onyń úlesi 15-35 paıyz aralyǵynda. Máselen, 2008 jyly Jalpy ishki ónimniń Ózbekstanda - 15, Túrikmenstanda - 18, Qyrǵyzstanda - 25, Grýzııada - 30, Ázirbaıjanda - 31, Tájikstan men Qazaqstanda - 33, Armenııada - 35 paıyz kóleminde boldy. Beıresmı ekonomıkanyń 75 paıyzy salyq ýaqyty, eńbek naryǵynyń ıkemsizdigi, ınstıtýttar sapasynyń jetkiliksizdigi, ónimder naryǵynyń jáne qarjy naryǵynyń ıkemsizdigi jaǵdaıattaryna baılanysty. Onyń yqpaly ár elde árqıly. Mysaly, Qazaqstanda beıresmı sektorǵa ónimder men qarjy naryǵyn retteý ýaqytynyń yqpaly 41 paıyzdy, ınstıtýttar sapasynyń yqpaly 40 paıyzdy, eńbek naryǵynyń ıkemsizdigi 12 paıyzdy, al salyq ýaqytynyń yqpaly 7 paıyzdy qurady.
