Kavasakı sındromy, jasyryn sport jarysy, qatań karantın: Koronavırýstyń qazirgi ahýaly qandaı
QATAŃ KARANTIN REJIMІNE ORALÝYMYZ MÚMKІN
QR Densaýlyq saqtaý mınıstrliginiń resmı ókili Baǵdat Qojahmetovtyń aıtýynsha, jaǵdaıdyń turaqtanǵanyna qaramastan karantın sharalarynan biz kútken nátıje bolmaı otyr.
«Naýqastar sany qaıtadan ósýde. Azamattar sanıtarlyq dárigerdiń aıtqan talaptaryn oryndamasa, taǵy da qatań karantın rejımine oralýymyz ábden múmkin», - deıdi QR Densaýlyq saqtaý mınıstrliginiń resmı ókili Baǵdat Qojahmetov. Onyń aıtýynsha, 7 qazandaǵy jaǵdaı boıynsha elimizde Covid-19 juqtyrǵan 108 362 adam tirkelgen. Sońǵy táýlikte 66 azamattan indet anyqtaldy, ıaǵnı 0,6% ósken», - deıdi ol.
Onyń aıtýynsha, ótken aptada Italııa, Germanııa sııaqty Eýropa elderinde koronavırýspen aýyrǵan adamdar sany 60% artqan.
«Reseıde sońǵy táýlikte 11 615 adam aýrýǵa shaldyqsa, Túrkııada kúnine 1 603 jaǵdaı tirkelýde. Jalpy Eýroodaqqa kiretin elderde Qazaqstanmen salystyrǵanda koronavırýspen aýyrǵan adamdardyń sany 13 ese kóp. Sondyqtan óte saq bolýymyz kerek», - deıdi Baǵdat Qojahmetov.
MÝLЬTISISTEMALYQ QABYNÝ SINDROMYNAN 2 BALA QAITYS BOLDY
Onyń aıtýynsha, 7 qazandaǵy jaǵdaı boıynsha elimizde 74 baladan koronavırýs anyqtaldy.
«Olar 1 aılyq jáne 18 jas aralyǵyndaǵy balalar. Koronavırýspen aýyrǵan balalar kóbinese ShQO-da, SQO-da jáne Pavlodar oblysynda tirkeldi. 9 bala aýrýhanaǵa jatqyzyldy. Jalpy alǵanda 32 balada aýrý sımptomsyz ótip jatyr. 31 balada aýrý óte jeńil túrde ótýde. 8 balada ortasha aýyr deńgeıde ótip jatyr. 1 balada bakterııa sıpatty pnevmonııa anyqtaldy. Barlyǵy 46 oqýshy baqylaýda. 3 bala balabaqshanyń kezekshi toptarynda bolǵan», - deıdi ol.
Sondaı-aq, Qazaqstanda 45 baladan mýltısıstemalyq qabyný sındromy anyqtalǵan.
«Mýltısıstemalyq qabyný sındromy anyqtalǵan balalarǵa toqtalyp ótsem: búgingi tańda 45 jaǵdaı tirkelgen. Jas ereksheligi boıynsha, eki bala 1 jasqa tolmaǵan. 1-5 jas aralyǵynda – 11 bala, 5-17 jasqa deıin – 28 bala tirkeldi. Ókinishke oraı, Nur-Sultan jáne Almaty qalalarynda 2 bala qaıtys boldy», - deıdi QR Densaýlyq saqtaý mınıstrliginiń resmı ókili Baǵdat Qojahmetov.
ShETELDEN KELGEN JOLAÝShYLAR ÚShІN QATAŃ ShEKTEÝ ENGІZІLEDІ
Koronavırýstyń taralý qaýpin toqtatý úshin Qazaqstanǵa shetelden kelgen jolaýshylar úshin qatań shekteýler engiziledi.
«Ótken aptada qabyldanǵan sheshim boıynsha, elge kez kelgen kólikpen (ushaq, poıyz) kelgen jolaýshynyń dene qyzýy bolsa, dereý statsıonarlyq ızolıatorǵa ornalastyrylady. Ol jerde dene qyzýy ne úshin kóterilip turǵanyn, qandaı aýrýmen aýyratynyn anyqtaıdy. Qazaqstanǵa kelgen sheteldik jáne qazaqstandyq azamattardyń uıaly telefon nómiri tirkeledi. Bir kólikpen kelgen azamattardyń bireýinen 14 kún ishinde koronavırýs derti anyqtalsa – ol adammen birge kelgen barlyq jolaýshy, onymen baılanysta bolǵan barlyq adam anyqtalyp, tıisti sharalar qoldanylady», - deıdi ol.
6 qazannan bastap Qazaqstanǵa shetelden keletinder koronavırýspen aýyrmaıtyny PTR testpen dáleldengen anyqtama ákelýi kerek degen sheshim qabyldanǵany bárimizge málim.
«Mundaı anyqtamasy joqtar 2 táýlikke karantındik statsıonarǵa jatqyzylady. Birinshi táýlik ishinde Nur-Sultan qalasyna 510 jolaýshy ushyp keldi, onyń 177-i karantınge jatqyzyldy. Almatyǵa ushyp kelgen 1 228 jolaýshynyń 278-y anyqtamasyz kelgen. Olar da karantınge jatqyzyldy. Atyraý qalasyna ushyp kelgen 28 adam karantındik statsıonarǵa jatqyzyldy. Sonymen birinshi táýlik ishinde elimizge 1 912 jolaýshy ushyp kelse, 1428-inde koronavırýspen aýyrmaıtyny týraly anyqtama bolsa, 484 jolaýshyda ondaı anyqtama bolmaǵan. 483 jolaýshy eki kúndik karantınge jatqyzyldy. Anyqtamasy joq jolaýshylardyń bireýi konsýl qyzmetiniń ókili bolǵan. Talap boıynsha ol úı jaǵdaıyndaǵy karantınde boldy», - deıd QR Densaýlyq saqtaý mınıstrliginiń resmı ókili Baǵdat Qojahmetov.
Ol brıfıng barysynda koronavırýstyń qant dıabetimen aýyratyndarǵa áseri týraly suraqqa jaýap berdi.
«Qant dıabeti bar naýqastarda kez kelgen ınfektsııamen aýyrǵan kezde qany qoıýlanyp ketedi. Koronavırýs kóptegen sozylmaly aýrýlardyń jaǵdaıyn qıyndata túsedi. Qant dıabeti qosymsha patologııaǵa keri áser etýi múmkin. Qant dıabeti kez kelgen qosymsha aýrýdan keıin, sonyń ishinde koronavırýstan keıin asqynyp ketip, qalpyna kelýi kúrdeli bolady. Sozylmaly derti barlar, sonyń ishinde qant dıabetimen aýyratyndar ózderiniń densaýlyǵyna aıryqsha mán bergeni jón», - deıdi ol.
SPORTShYLAR ARASYNDA DA KORONAVIRÝS JUQTYRǴAN JAǴDAILAR BOLǴAN
Sonymen qatar, QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev Almaty qalasynda qansha medıtsınalyq qyzmetker jumys babynda júrip koronavırýs juqtyrǵany úshin ústemaqy alǵanyn aıtty.
«Almaty qalasy boıynsha 1 206 medıtsınalyq qyzmetker koronavırýspen aýyrǵan bolatyn. Onyń ishinde 495-i ústemaqy aldy. Jergilikti komıssııanyń paıymdaýy boıynsha, 907 medıtsınalyq qyzmetker osy syrqatty óziniń qyzmeti barysynda juqtyrǵan. Qyzmet babynda júrip aýrý juqtyryp, qaza bolǵan 2 áriptesimizdiń otbasyna jergilikti komıssııanyń sheshimimen 10 mıllıon teńge kóleminde ústemaqy tólendi», - deıdi Tımýr Sultanǵazıev.
Onlaın brıfıng barysynda fýtzal boıynsha Qazaqstan kýbogy jasyryn jarys ótkizip jatqandyǵy týraly suraq qoıyldy. Bul aqparat áleýmettik jelilerde qyzý talqylanyp jatyr. Komandalar oınaı bastady, biraq federatsııadan nátıjelerdi jarııalamaý jáne týrnırlerdi jarnamalamaý týraly nusqaý alǵan.
«Jumys isteıtin sport ǵımarattary bas sanıtarlyq dárigerdiń sheshimine sáıkes tekserilýi kerek. Karantın rejımin buzýdyń naqty faktileri boıynsha aqparat ortalyq apparat komıtetine tikeleı túsken joq. Eger mundaı jaǵdaı oryn alsa, qaýlyny qaı óńirdiń qandaı sport komandasy buzǵanyn aıtyp ótý kerek. Biz epıdemıologııalyq jaǵdaıdyń, ásirese shetelde, óte shıelenisti bolyp jatqanyn kórip otyrmyz. Kóptegen sport jarystar sheteldik sportshylardyń qatysýyn da kózdeıdi. Sportshylar arasynda da koronavırýs juqtyrǵan jaǵdaılar bolǵanyn bilemiz. Tıisinshe, búgingi tańda mundaı másele vedomstvoaralyq komıssııa deńgeıinde sheshiledi», - deıdi QR DSM taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev.
