Kavallo Domıngo G-Global aqparattyq-kommýnıkatıvtik alańynda «Aı tulǵasy» boldy
ASTANA. 4 mamyr. QazAqparat - G-Global aqparattyq-kommýnıkatıvtik alańynda kezekti «Aı tulǵasy» anyqtaldy - mamyr aıynda ol Kavallo Domıngo boldy.
Bul týraly VI Astana ekonomıkalyq forýmynyń baspasóz qyzmetinen málim etti.
Kavallo Domıngo - ekonomıka ǵylymdarynyń doktory, Ielsk ýnıversıtetiniń professory. Argetınada ekonomıka mınıstri (1991-1996 jj.) jáne syrtqy ister mınıstri (1989-1991 jj.) bolyp eńbek etti. Eki márte Ulttyq kongressmen bolyp saılandy. (1987-1991 jj. jáne 1997-2001 jj.). 1982 jyly Argetına Ortalyq bankiniń tóraǵasy. Kordova Ulttyq ýnıversıtetiniń ekonomıka professory boldy, Garvard ýnıversıtetinde latynamerıkalyq ǵylym boıynsha sabaq berdi. Bolonıa, Týrına, Ben-Gýrıona jáne Genýı ýnıversıttetteriniń qurmetti doktory. «Fundación Mediterranea» Almerııa ýnıversıtetiniń qurmetti prezıdenti. «Otyzdyq tobynyń» múshesi jáne Ispanııa «Moraldyq jáne saıası ǵylym» Koroldik Akademııasynyń korrespondent-múshesi.
Eske salaıyq, «Aı tulǵasy» - bul G-Global alańyndaǵy ınteraktıvti onlaın-konferentsııa. Onyń barysynda qazirgi zamannyń tanymal sarapshylary men álemdik tulǵalar paıdalanýshylarǵa keńester berip, olardyń suraqtaryna jaýap beredi.
