Qaýynnyń adam densaýlyǵyna paıdasy
ASTANA. QazAqparat - Qaýyn tek dámi til úıiretin jemis qana emes, onyń adam densaýlyǵyna paıdaly tustary óte kóp, dep jazady «Massaget» portaly.
Qaýynnyń adam densaýlyǵyna paıdasy:
1. Qaýyn - tómen kalorııaly jemis túri. Onyń 100 gramynda nebary 33 kalorııa bolady. Sondyqtan, ony artyq salmaqtan arylǵysy keletinderge jeýge keńes beremiz.
2. Sonymen qatar, ishińizdi júrgizýge de áser etedi. Eger ishekti zııandy zattardan, qoqystardan tazalaǵyńyz kelse, qaýyn jeńiz.
3. Kimniń baýyry jáne qýyǵy aýyrsa, sol adamdarǵa qaýyn óte paıdaly.
4. Búırekten tas pen qum shyǵarady.
5. Qandaǵy gemoglabın mólsherin kóbeıtedi.
6. Aǵzańyzdy ártúrli aýrýdan qutqaryp, ımmýnıtetińizdi qataıtady.
7. Júrek-qan tamyr aýrýlarynyń da aldyn alady.
8. Júıke júıesin tynyshtandyrady.
9. Jazda shólge jaqsy.
Endeshe qaýynnan daıyndalatyn súzbe desertin usynamyz. Ony jasaý kóp ýaqytyńyzdy almaıdy.
Ol úshin sizge:
1 staqan súzbe; 1 sábiz; 1 tilim qaýyn (úlken); 3 as qasyq qaımaq; 1 as qasyq bal qajet bolady.
Daıyndalý joly:
1. Súzbeni jaqsylap shanyshqymen úgitińiz. 2. Onyń ústine qaımaq qosyp, aralastyryńyz. 3. Sodan keıin sábizdi tazalap, kishkentaı úkkishten ótkizińiz. 4. Sodan soń bal nemese qant qosýdy umytyp ketpeńiz. 5. Qaýyn tiliminiń qabyǵyn arshyp, ýaqtap týrap, súzbe qospasyna qosyńyz. 6. Bári daıyn bolǵan soń ózińizdiń qalaýyńyz boıynsha áshekeılep, dastarhanǵa qoıyńyz.
Astaryńyz dámdi bolsyn!
