Qaýipti manevr, zańsyz kortej: Qyzylordada 8 júrgizýshi jaýapqa tartyldy

QYZYLORDA. KAZINFORM – Qyzylordalyq polıtsııa qyzmetkerleri áleýmettik jelilerge monıtorıng júrgizý barysynda jol qozǵalysy erejelerin buzý deregin anyqtady.

jol polıtsııasy
Foto: Almaty polıtsııa departamenti

Taralǵan beınejazbany zerdeleý nátıjesinde zańsyz kortejge qatysqan 8 júrgizýshiniń kim ekeni naqtylandy.

- Tekserý barysynda júrgizýshilerdiń jolda qaýipti manevrler jasap, ózge de jol qozǵalysyna qatysýshylarǵa qaýip tóndirgeni belgili boldy. Quqyq buzýshylardyń barlyǵy – Qyzylorda qalasynyń 20-25 jas aralyǵyndaǵy turǵyndary. Olarǵa manevr jasaý qaǵıdalaryn buzý, avarııalyq jaǵdaı týǵyzý jáne jol qozǵalysy talaptaryn saqtamaý derekteri boıynsha ákimshilik sharalar qoldanyldy, - dep málimdedi oblystyq polıtsııa departamenti. 

Sot sheshimimen 3 adamǵa usaq buzaqylyq jasaǵany úshin ákimshilik aıyppul salyndy.

Buǵan deıin Jańaqorǵan aýdanynda jol qozǵalysy erejelerin óreskel buzyp, qaýipti manevr jasaǵan kortej qatysýshylary anyqtaldy.