«Qaýipti eskalatsııa» — Gýterrısh Taıaý Shyǵystaǵy shıelenisti toqtatýǵa shaqyrdy

ASTANA. KAZINFORM – BUU Bas hatshysy Antonıý Gýterrısh AQSh-tyń Iranǵa qarsy jasaǵan áreketterine baılanysty tereń alańdaýshylyq bildirip, bul jaǵdaıdy halyqaralyq qaýipsizdik pen turaqtylyqqa qater tóndiretin qaýipti eskalatsııa retinde baǵalady, dep jazdy BUU-nyń resmı saıty.

Gýterıshtiń aıtýynsha, qazirgi jaǵdaı tez arada baqylaýdan shyǵyp, aımaq turǵyndaryna, beıbit halyqqa jáne búkil álemge aýyr saldary bolýy múmkin.

— Memleketter BUU Jarǵysy men halyqaralyq quqyq normalaryna sáıkes óz mindettemelerin saqtaýy tıis. Daǵdarysty báseńdetý — eń basty mindet. Bul jaǵdaıdyń áskerı sheshimi joq. Alǵa aparar jalǵyz jol – dıplomatııa. Jalǵan emes, jalǵyz úmit – beıbitshilik, – dedi Bas hatshy.

Sondaı-aq, ol «haos spıralin boldyrmaýǵa» shaqyrdy.

Eske sala keteıik, AQSh Irannyń ıadrolyq nysandaryna soqqy jasap, Tramp operatsııany sátti dep ataǵan bolatyn.

Artynsha Donald Tramp AQSh Irannyń ýran baıytý nysandaryn tolyqtaı joıǵanyn málimdep, halyqqa úndeý jasady.