Qaýipsizdik máseleleri boıynsha Qazaqstan-Qytaı konsýltatsııalary ótti
ASTANA. KAZINFORM – 2026 jyldyń 31 mamyrynda Astanada Qazaqstan Respýblıkasy Qaýipsizdik Keńesiniń Hatshysy Ǵızat Nurdáýletov pen Saıası bıýro múshesi, Qytaı Kommýnıstik partııasy Ortalyq komıteti Saıası-quqyqtyq komıssııasynyń Hatshysy Chen Ventsınniń tóraǵalyǵymen qaýipsizdik máseleleri boıynsha Qazaqstan-Qytaı konsýltatsııalary ótti. Bul týraly Aqordanyń baspasóz qyzmeti habarlady.
Quqyq qorǵaý jáne arnaıy organ basshylarynyń qatysýymen ótken jıyn barysynda birqatar ózekti másele qaraldy.
Taraptar halyqaralyq jáne óńirlik qaýipsizdiktiń túrli aspektileri, BUU, ShYU, AÓSShK jáne «Ortalyq Azııa – Qytaı» formatyn qosa alǵanda, halyqaralyq, sondaı-aq óńirlik qurylymdar sheńberindegi úılestirý máseleleri boıynsha pikir almasty.
Transshekaralyq qylmyspen kúres, halyqaralyq lańkestik jáne ekstremızmge, separatızmge qarsy is-qımyl salalarynda birlese kúsh jumyldyrý qajettigi aıtyldy.
Ǵızat Nurdáýletov pen Chen Ventsın qazirgi qyr kórsetýler men qaterlerge qarsy turý, saýda-ekonomıkalyq yntymaqtastyqty ilgeriletý úshin qolaıly jaǵdaı jasaý maqsatynda qaýipsizdik salasyndaǵy dıalogty júıeli negizde damytý, sonyń ishinde eki eldiń kúshtik qurylymdary arasyndaǵy ózara is-qımyldy nyǵaıtýdyń mańyzy týraly pikirlesti.
Aıta ketelik Qazaqstan men Qytaı avtotasymalǵa arnalǵan ruqsat blankilerin shekteýsiz almasýǵa kelisken edi.
