Qaýipsizdik Keńesi Ahýaldyq ortalyǵynyń meńgerýshisi qyzmetinen ketti

ASTANA. KAZINFORM – Prezıdenttiń ókimimen Amangeldi Omarbekov QR Qaýipsizdik Keńesiniń Ahýaldyq ortalyǵynyń meńgerýshisi qyzmetinen bosatyldy. Bul týraly Aqordanyń baspasóz qyzmeti habarlady. 

– Memleket basshysynyń ókimimen Amangeldi Orazalyuly Omarbekov Qazaqstan Respýblıkasy Qaýipsizdik Keńesiniń Ahýaldyq ortalyǵynyń meńgerýshisi laýazymynan bosatyldy, - delingen habarlamada. 

Amangeldi Omarbekov 1982 jyly dúnıege kelgen. 

Qazaq memlekettik zań akademııasyn quqyqtaný mamandyǵy boıynsha, Ulttyq qorǵanys ýnıversıtetiniń magıstratýrasyn áskerı jáne memlekettik basqarý mamandyǵy boıynsha bitirgen.

2005-2016 jyldary arnaýly memlekettik organdarda qyzmet etken.

2016 jyldan 2022 jyldyń tamyz aıyna deıin QR Qaýipsizdik Keńesinde ınspektor, sektor meńgerýshisi, hatshylyq meńgerýshisiniń orynbasary qyzmetterin atqarǵan.

2022 jyly 22 tamyzda Memleket basshysynyń ókimimen Qazaqstan Respýblıkasy Qaýipsizdik Keńesi Ahýaldyq ortalyǵynyń meńgerýshisi laýazymyna taǵaıyndaldy.

Memlekettik nagradalary: «Jaýyngerlik erligi úshin» medali, Baýyrjan Momyshuly atyndaǵy II dárejeli «Aıbyn» ordeni, QR Prezıdentiniń Alǵysy, QR Prezıdentiniń Ákimshiligi Basshysynyń Alǵysy.

Qazaq kúresinen sport ardagerleri arasynda Qazaqstan Respýblıkasynyń chempıony (Almaty - 2024).

Eske sala keteıik, buǵan deıin jer, orman, ekologııalyq jáne kásipkerlik kodeksterge túzetý engizilgenin habarlaǵan edik.