Qaýipsizdik keńesinen óńirlik basqarmalarǵa deıingi jańa taǵaıyndaýlar
ASTANA. KAZINFORM — Ótip bara jatqan apta ishinde elimizdiń ortalyq jáne jergilikti atqarýshy organdarynda birqatar kadrlyq taǵaıyndaýlar boldy.
Memleket basshysynyń ókimimen Arman Asqaruly Ábdirásilov Qazaqstan Respýblıkasy Qaýipsizdik Keńesi Apparatynyń Ahýaldyq ortalyǵynyń meńgerýshisi laýazymyna taǵaıyndaldy.
Arman Ábdirásilov 1980 jyly 25 jeltoqsanda Aqmola oblysynda dúnıege kelgen.
Bilimi:
Ál-Farabı atyndaǵy QazUÝ (1997-2001) (mehanıka-matematıka fakýlteti),
QMEBI Basqarýshylyq esep ADKAR sertıfıkattalǵan transformatsııany basqarý jónindegi maman
Cisco sertıfıkattary — CCNA, CCNP, CCIE
Djordj S. Marshall Eýropalyq qaýipsizdikti zertteý ortalyǵynyń qyzmetkeri
Sankt-Peterbor memlekettik ýnıversıteti (Bıznestiń tsıfrlyq transformatsııasy)
CISA: ISACA Astana taraýy
ISO 27001: Qaýipsizdikti basqarý júıeleriniń jetekshi aýdıtory
Dızaındy oılaý: Stenford ýnıversıtetiniń esepterdi sheshý ádistemesi
Krıptografııalyq aqparatty qorǵaý quraldarynyń ónertabystaryna patentter
Jumys tájirıbesi:
Matematıka jáne mehanıka ǵylymı-zertteý ınstıtýtynyń ınjeneri. Ál-Farabı atyndaǵy QazUÝ (2001–05/2002)
Injener, ǵylymı-tehnıkalyq ortalyq (05.2002–06.2012)
«Kıbershabýyldardy taldaý jáne tergeý ortalyǵy» ALE kompanııalar tobynyń teń quryltaıshysy, vızıonır, GR dırektory (2013–08.2020)
Facebook qoldanbasy (AQSh), sáıkestik (2018–2019)
«Zerde» ulttyq ınfokommýnıkatsııalyq holdınginiń basqarma tóraǵasy (08.2020–10.2022)
«Brain Trust» JShS basqarýshy seriktesi. Kapıtaldy tıimdi basqarý, tsıfrlyq transformatsııa salasynda keńes berý (11.2022 j.)
SecDev Foundation (Kanada), Ortalyq Azııadaǵy IT jáne kıberqaýipsizdikti damytý boıynsha aǵa keńesshi (11.2022 j. bastap)
Memleket basshysynyń ókimimen Evgenıı Dmıtrıevıch Kochetov Qazaqstan Respýblıkasy Prezıdenti Ákimshiliginiń Kommýnıkatsııalar bóliminiń meńgerýshisi laýazymyna taǵaıyndaldy.
Evgenıı Dmıtrıevıch 1988 jyly Astana qalasynda dúnıege kelgen.
Qazaq gýmanıtarlyq zań ýnıversıtetin, M. V. Lomonosov atyndaǵy Máskeý memlekettik ýnıversıtetin bitirgen.
2009-2013 jyldar aralyǵynda «Jas Otan» JQ jáne «Nur Otan» HDP ortalyq apparatynyń túrli qurylymdyq bólimshelerinde keńesshi, sarapshy, konsýltant bolyp jumys istedi.
Ár jyldary jeke menshik kommertsııalyq qurylymdarda jumys istedi.
2016 jyly «Qazkontent» AQ Kaztube.kz vıdeoportalynyń jetekshisi bolyp taǵaıyndaldy.
2016-2017 jyldary — Qazaqstan Respýblıkasy Aqparat jáne kommýnıkatsııalar mınıstrligi Ortalyq kommýnıkatsııalar qyzmetiniń dırektory.
2017-2018 jyldary — «Qazkontent» AQ basqarma tóraǵasy.
2018-2019 jyldary «Nur Otan» partııasynyń Strategııalyq bastamalar ınstıtýty dırektorynyń orynbasary qyzmetin atqardy.
2019-2020 jyldary — «Rýhanı Jańǵyrý» KEAQ qazaqstandyq qoǵamdyq damý ınstıtýty basqarma tóraǵasynyń keńesshisi.
2020-2023 jyldary — «Medıa damytý qory» korporatıvtik qorynyń bas dırektory.
2023 jyldan bastap taǵaıyndalǵanǵa deıin QR Aqparat jáne qoǵamdyq damý vıtse-mınıstri qyzmetin atqardy.
Memleket basshysynyń ókimimen Qanat Amangeldiuly Qulshymanov Qazaqstan Respýblıkasynyń Prezıdenti janyndaǵy Ortalyq kommýnıkatsııalar qyzmetiniń dırektory bolyp taǵaıyndaldy.
Qanat Qulshymanov L. Gýmılev atyndaǵy EUÝ-dy jýrnalıstıka mamandyǵy boıynsha támamdaǵan. PhD doktory ǵylymı dárejesi bar.
Eńbek jolyn 2007 jyly «Qazaqparat» aqparat agenttiginiń tilshisi bolyp bastady. Ár jyldary Aqtóbe oblysy ákiminiń baspasóz hatshysy, Eńbek jáne halyqty áleýmettik qorǵaý mınıstrliginiń qoǵammen baılanys departamentiniń dırektory, Jambyl oblysynyń ákimi apparaty basshysynyń orynbasary bolyp jumys istedi.
2021 jylǵy maýsymnan qazirgi kezge deıin «QazMunaıGaz» UK» AQ Baspasóz qyzmetiniń basshysy qyzmetin atqardy.
2022 jylǵy sáýirde QR Premer-mınıstriniń baspasóz qyzmeti jetekshisiniń mindetin atqarýshy bolyp taǵaıyndaldy.
Asqar Qýanyshuly Ýmarov Qazaqstan Halyq Keńesi tóraǵasynyń keńesshisi laýazymyna taǵaıyndaldy.
Asqar Ýmarov 1976 jyly Almatyda týǵan. Turan ýnıversıtetin bitirgen.
1997-1998 jyldary — «Mádenıet máseleleri jónindegi respýblıkalyq ǵylymı ortalyqtyń» áleýmettik-ekonomıkalyq máseleler sektorynyń jetekshi mamany.
1998-1999 jyldary — «Qazaqstannyń shaǵyn bıznesi» jýrnalynda marketıng jónindegi maman.
2001-2005 jyldary — «Novostı nedelı» RG» JShS tilshisi.
2005-2006 jyldary — «Qazaqstan» RTRK» AQ — «Astana» TRO fılıaly Aqparattyq-taldaý baǵdarlamalary dırektsııasynyń Almaty bıýrosynyń shef-redaktory. Ár jyldary jeke uıymdarda basshylyq qyzmetter atqarǵan.
2008-2010 jyldary — «Nur-Medıa» JShS dırektory, bas dırektorynyń orynbasary.
2011-2013 jyldary — «Túrki akademııasy» KEAQ vıtse-prezıdenti.
2014 jyly — «Astana EKSPO-2017» UK» AQ basqarýshy dırektory.
2016-2017 jyldary — qoǵamdyq qordyń prezıdenti.
2017-2020 jyldary — «QazAqparat» HAA JShS bas dırektory.
2020 jylǵy qańtardan bastap «QazAqparat» HAA AQ basqarma tóraǵasy boldy.
2021 jyly QR Aqparat jáne qoǵamdyq damý vıtse-mınıstri bolyp taǵaıyndaldy.
2022 jylǵy qańtardan Qazaqstan Respýblıkasynyń Aqparat jáne qoǵamdyq damý mınıstri boldy.
2022 jyldyń qyrkúıeginen 2026 jylǵy qazanǵa, ıaǵnı osy laýazymǵa taǵaıyndalǵanǵa deıin QR Prezıdenti janyndaǵy «Ortalyq kommýnıkatsııalar qyzmeti» RMM dırektory qyzmetin atqardy.
Energetıka mınıstriniń buıryǵymen Ernar Muhtaruly Hasenov vedomstvonyń Memlekettik energetıkalyq qadaǵalaý jáne baqylaý komıtetiniń tóraǵasy qyzmetine taǵaıyndaldy.
Ol 1987 jyly Pavlodar oblysynda dúnıege kelgen. Innovatsııalyq Eýrazııa ýnıversıtetin, «Bolashaq» baǵdarlamasy boıynsha Stratklaıd ýnıversıtetin (Ulybrıtanııa) bitirgen.
Eńbek jolyn Avtomobıl joldary komıtetiniń Pavlodar oblystyq departamenti sapany baqylaý jáne jumystardy qabyldaý bóliminiń jetekshi mamanyny bolyp bastady.
2010–2014 jyldary — QR Indýstrııa jáne jańa tehnologııalar mınıstrligi Memlekettik energetıkalyq qadaǵalaý jáne baqylaý komıtetiniń sarapshysy, bas sarapshy, basqarma basshysy.
2014–2023 jyldary — QR Premer-mınıstri keńsesinde bas sarapshy, bas konsýltant, bas ınspektor.
2023–2025 jyldary — QR Energetıka mınıstrligi Atomdyq jáne energetıkalyq qadaǵalaý men baqylaý komıteti Qaraǵandy oblysy boıynsha aýmaqtyq departamentiniń basshysy.
2025 jylǵy maýsymnan bastap qazirgi ýaqytqa deıin QR Energetıka mınıstrligi Memlekettik energetıkalyq qadaǵalaý jáne baqylaý komıteti tóraǵasynyń orynbasary qyzmetin atqardy.
Nurjan Ámirjanov Sý resýrstary jáne ırrıgatsııa mınıstrliginiń Halyqaralyq yntymaqtastyq departamentiniń dırektory bolyp taǵaıyndaldy.
Nurjan Muratuly Ámirjanov 1986 jyly Abaı oblysynda dúnıege kelgen.
Q.I.Sátbaev atyndaǵy Qazaq ulttyq tehnıkalyq ýnıversıtetin «Sý resýrstary jáne sýdy paıdalaný» mamandyǵy boıynsha, Shákárim atyndaǵy Semeı memlekettik ýnıversıtetin «Qarjy» mamandyǵy boıynsha jáne Qazaqstan Respýblıkasy Prezıdentiniń janyndaǵy Memlekettik basqarý akademııasyn «Memlekettik jáne jergilikti basqarý» mamandyǵy boıynsha támamdaǵan.
Eńbek jolyn 2009 jyly QR Aýyl sharýashylyǵy mınıstrligi Sý resýrstary komıtetiniń «Batys Qazaqstan sý sharýashylyǵy» respýblıkalyq memlekettik kásipornynda ınjener-gıdrotehnık bolyp bastaǵan.
011-2014 jyldary QR Aýyl sharýashylyǵy mınıstrliginiń Tabıǵı resýrstardy paıdalaný strategııasy departamentinde jáne Tabıǵı resýrstar departamentinde sarapshy qyzmetin atqarǵan.
2014-2022 jyldary Sý resýrstary komıtetiniń bas sarapshysy bolǵan.2022-2025 jyldary «Qazsýshar» RMK Shyǵys Qazaqstan fılıalynyń dırektory qyzmetin atqarǵan.
2025 jylǵy qazannan 2026 jylǵy sáýirge deıin «Irrıgatsııalyq jáne drenajdyq júıelerdi jetildirý, II kezeń» jobasynyń birinshi komponenti boıynsha bas tehnıkalyq keńesshi bolǵan.
2026 jylǵy sáýirden qazanǵa deıin QR Sý resýrstary jáne ırrıgatsııa mınıstrligi Sý sharýashylyǵy komıtetiniń Jobalaý-izdestirý jumystary basqarmasynyń basshysy qyzmetin atqarǵan.
Nasymjan Ospanova rotatsııa tártibimen Astananyń bilim salasynda sapany qamtamasyz etý departamentiniń basshysy bolyp taǵaıyndaldy.
Nasymjan Ospanova eńbek jolyn óndiristik oqytý sheberi bolyp bastaǵan. Oqytýshy, dırektordyń orynbasary jáne kolledj basshysy qyzmetterin atqarǵan. 2017 jyldan bastap Bilim jáne ǵylym mınıstrliginiń Tehnıkalyq jáne kásiptik bilim departamentin, al 2022 jylǵy qazannan bastap Oqý-aǵartý mınıstrliginiń Balalardyń quqyqtaryn qorǵaý komıtetin basqardy.
Aqtóbe oblystyq memlekettik satyp alýlar basqarmasynyń basshysy bolyp Qaırat Qýantaıuly taǵaıyndaldy.
Qaırat Qýantaıuly 2004 jyly S. Báıishev atyndaǵy Aqtóbe ýnıversıtetin halyqaralyq ekonomıka mamandyǵy boıynsha, 2018 jyly Qazaq-orys halyqaralyq ýnıversıtetin quqyqtaný mamandyǵy boıynsha támamdaǵan. Eńbek jolyn 2004 jyly S. Báıishev atyndaǵy Aqtóbe ýnıversıtetiniń ekonomıka jáne basqarý kafedrasynyń oqytýshysy bolyp bastaǵan.
Eńbek jolynyń basym bóliginde Aqtóbe qalasynyń kásipkerlik, ekonomıka jáne qarjy, sondaı-aq memlekettik satyp alý salalaryndaǵy bólimderinde qyzmet atqarǵan. 2021–2023 jyldary Hromtaý aýdany ákiminiń orynbasary qyzmetin atqardy. 2023 jyldyń jeltoqsan aıynan bastap Aqtóbe qalasy ákiminiń orynbasary bolyp jumys istedi.
Aqtóbe oblystyq jastar saıasaty máseleleri basqarmasynyń basshysy qyzmetine Nurshashqan Іzbasarova taǵaıyndaldy.
Nurshashqan Іzbasarova 2011 jyly Q. Jubanov atyndaǵy Aqtóbe memlekettik ýnıversıtetiniń memlekettik jáne jergilikti basqarý mamandyǵyn ıelendi. 2013 jyly osy mamandyq boıynsha magıstratýrany támamdaǵan. Eńbek jolyn 2011 jyly QR Memlekettik qyzmet isteri agenttiginiń Aqtóbe oblysy boıynsha basqarmasynda qoǵamdyq jumysshy bolyp bastady.
2011–2013 jyldary oblystyq ekonomıka jáne bıýdjettik josparlaý basqarmasynda is júrgizýshi, 2013–2017 jyldary jolaýshylar kóligi jáne avtomobıl joldary basqarmasynda bas maman bolyp jumys istegen. 2017–2023 jyldary oblystyq energetıka jáne turǵyn úı-kommýnaldyq sharýashylyǵy basqarmasynda bólim basshysy qyzmetin atqardy. 2023 jyldyń sáýir aıynan bastap osy basqarma basshysynyń orynbasary boldy.
Abaı oblysynyń din isteri basqarmasynyń basshysy bolyp Nurjan Esenjolov taǵaıyndaldy.
Nurjan Esenjolov 1985 jyly Semeı qalasynda dúnıege kelgen. Semeı memlekettik pedagogıkalyq ınstıtýtyn «Tarıh» mamandyǵy boıynsha, keıin Qazaq ınnovatsııalyq gýmanıtarlyq-zań ýnıversıtetin «Quqyqtaný» mamandyǵy boıynsha támamdaǵan. Ulybrıtanııanyń Sheffıld ýnıversıtetinde «Memlekettik basqarý jáne saıasat» mamandyǵy boıynsha magıstratýrany aıaqtady. 2020-2023 jyldar aralyǵynda QR Prezıdenti janyndaǵy Memlekettik basqarý akademııasynda oqydy.
Eńbek jolyn 2007 jyly M.O. Áýezov atyndaǵy ýnıversıtettiń «Tarıh» kafedrasynyń oqytýshysy retinde bastaǵan. Memlekettik qyzmetin 2009 jyly Semeı qalasynyń ishki saıasat bóliminiń jetekshi mamany laýazymynda bastady.
Ár jyldary qala ákimi apparatynyń uıymdastyrý-baqylaý jáne kadr jumystary bóliminde jetekshi jáne bas maman qyzmetterin atqardy. Sonymen qatar Semeı qalasynyń mádenıet jáne tilderdi damytý bóliminiń basshysynyń orynbasary, ishki saıasat bóliminiń basshysynyń orynbasary, Semeı qalasy jáne ShQO ákimderiniń baspasóz hatshysy laýazymdarynda eńbek etti.
2018 jyldan 2024 jyldyń qazan aıyna deıin Semeı qalasynyń ishki saıasat bólimin basqardy.
2025 jyldyń 30 mamyrynan osy ýaqytqa deıin Abaı oblysy ákimi apparaty basshysynyń orynbasary bolyp jumys istedi.
Batys Qazaqstan oblysy densaýlyq saqtaý basqarmasynyń basshysy bolyp Sáken Myrzaqulov taǵaıyndaldy.
Sáken Myrzaqulov 1989 jyly dúnıege kelgen.
Bilimi joǵary. Qoja Ahmet ıAsaýı atyndaǵy Halyqaralyq qazaq-túrik ýnıversıtetin emdeý isi mamandyǵy boıynsha támamdady. Sonymen qatar quqyqtaný jáne ekonomıka biliktiligi boıynsha bakalavr dárejesi bar.
Eńbek jolyn 2013 jyly dáriger-gınekolog bolyp bastap, túrli medıtsınalyq mekemelerde jumys istedi. Ár jyldary Mańǵystaý oblysy densaýlyq saqtaý basqarmasy basshysynyń birinshi orynbasary, QR Densaýlyq saqtaý mınıstrliginde jáne Áleýmettik medıtsınalyq saqtandyrý qorynda jaýapty qyzmetterdi atqardy.
Qazirgi laýazymǵa deıin BQO densaýlyq saqtaý basqarmasy basshysynyń medıtsınalyq kómekti uıymdastyrý jónindegi orynbasary boldy.
Buǵan deıin qaı óńirde eń kóp taǵaıyndaý bolǵanyn jazdyq.
