Qaýipsizdik Keńesi hatshylarynyń úshinshi kezdesýi: yntymaqtastyq pen kıberqaýipsizdik

BІShKEK. KAZINFORM — Bishkekte «Ortalyq Azııa – Úndistan» formatynda ulttyq qaýipsizdik jónindegi keńes hatshylary men keńesshileriniń úshinshi kezdesýi ótti. Іs-sharaǵa Qazaqstan Respýblıkasy Qaýipsizdik Keńesiniń hatshysy Ǵızat Nurdáýletov qatysty. Bul týraly Aqorda málim etti. 

Kezdesý qarsańynda delegatsııa basshylaryn Qyrǵyz Respýblıkasynyń Prezıdenti Sadyr Japarov qabyldady.

Jıyn barysynda jańa syn-tegeýrinder men óńirlik qaýipsizdikke tónetin qaterlerge qarsy is-qımyl máseleleriniń kesheni qaraldy.

— Óz sózinde Ǵızat Nurdáýletov halyqaralyq terrorızm men ekstremızmge qarsy is-qımyl salasyndaǵy yntymaqtastyqty nyǵaıtýdyń mańyzdy ekenin atap ótti. Sonymen qatar Ortalyq Azııa men Úndistan arasyndaǵy kólik baılanysyn damytýǵa erekshe nazar aýdarylyp, ekonomıkalyq ózara baılanysty qamtamasyz etý tetikteri men kıberqaýipsizdik salasyndaǵy áriptestikti damytý joldary usynyldy, — delingen habarlamada.

Basqosý aıasynda úndi tarapynyń bastamasymen Qazaqstan Qaýipsizdik Keńesiniń hatshysy men Úndistannyń ulttyq qaýipsizdik jónindegi keńesshisi Adjıt Dovaldyń ekijaqty kezdesýi ótti.

Aıta keteıik, qyrkúıek aıynda Memleket basshysy Qaýipsizdik Keńesiniń kıberqaýipsizdik jónindegi otyrysyn ótkizgen bolatyn.