Qaýipsizdik Keńesi Apparatynda birqatar kadrlyq taǵaıyndaý boldy
ASTANA. KAZINFORM – Memleket basshysynyń ókimderimen Qazaqstan Respýblıkasy Qaýipsizdik Keńesi Apparatynda birqatar kadrlyq taǵaıyndaý boldy, dep habarlaıdy Aqordanyń baspasóz qyzmeti.
Prezıdent ókimimen Aleksandr Vladımırovıch Sýhanov Qazaqstan Respýblıkasy Qaýipsizdik Keńesi Apparaty Taldaý bóliminiń meńgerýshisi bolyp taǵaıyndaldy. Ol burynǵy atqarǵan laýazymynan bosatyldy.
Sondaı-aq Rasýl Qabdollauly Orazǵulov Qazaqstan Respýblıkasy Qaýipsizdik Keńesi Apparaty Qaýipsizdiktiń ózekti máseleleri bóliminiń meńgerýshisi qyzmetine taǵaıyndalyp, burynǵy laýazymynan bosatyldy.
Marat Maqsutuly Aımashev Qazaqstan Respýblıkasy Qaýipsizdik Keńesi Apparaty Áskerı qaýipsizdik jáne qorǵanys bóliminiń meńgerýshisi bolyp taǵaıyndaldy. Ol da burynǵy atqarǵan qyzmetinen bosatyldy.
Al Erlan Ysqaquly Baıtuqbaev Qazaqstan Respýblıkasy Qaýipsizdik Keńesi Apparaty Hatshylyǵynyń meńgerýshisi laýazymyna taǵaıyndaldy.
Aıta keteıik, búgin Memleket basshysy Qaýipsizdik Keńesi men onyń Apparaty týraly erejeni bekitken bolatyn.
