Qaýipsizdik beldigin taqpaǵan 5 myńnan astam pavlodarlyq aıyppul arqalady
PAVLODAR. KAZINFORM -Ertis-Baıan óńirinde jyl basynan qaýipsizdik beldigin elemegen 5506 júrgizýshi ákimshilik jaýapkershilikke tartyldy. Polıtseıler bir jyl ishinde zań buzýshylyq qaıtalansa, aıyppul sanktsııalary eki esege artatynyn eskertip otyr.

Kólikte qaýipsizdik beldigin taǵý - júrgizýshi men jolaýshylardyń ómirin qorǵaýdyń mańyzdy áreketteriniń biri ekenin árbir avtokólik júrgizýshisi biledi. Beldik aýyr jaraqattardyń aldyn alýǵa kómektesedi jáne apattar kezinde ólim qaýpin azaıtady. Sonymen qatar, apat kezinde nemese qatty tejeý jaǵdaıynda bekitilgen qaýipsizdik beldigi júrgizýshi men jolaýshylardy ornynda ustap qalady. Bul kólik quralynyń ishki elementterimen soqtyǵysýǵa nemese terezeden shyǵyp ketýge jol bermeıdi.
- Ókinishke qaraı, qaýipsizdik beldigin bári birdeı qoldana bermeıdi. Júrgizýshiler men jolaýshylar ony taqpaý úshin kóptegen sebepterdi oılap tabady. Jyl basynan 5506 júrgizýshi ákimshilik jaýapkershilikke tartyldy. Bir jyl ishinde bul ereje qaıtadan buzylǵan jaǵdaıda aıyppul sanktsııalary eki esege artady,-dep habarlady óńirlik polıtsııa departamentinen.
Tártip saqshylary is júzinde apattardan zardap shekken adamdar bul erejeni elemeı, aýyr jaraqat alǵan jaǵdaılar az emes ekenin aıtady. Bul ásirese balalardy kólikterde tasymaldaıtyn avtokólik júrgizýshilerine qatysty. Jalpy qabyldanǵan normalar bar, olardy qatań saqtaý kerek.
Eske sala keteıik, Pavlodarda mototsıklshi elektr baǵanyna soǵylyp, mert boldy.