Qaýipsiz jol: Qyzylordada 850 avtokólik aıyppul turaǵyna qoıyldy

QYZYLORDA. KAZINFORM — Qyzylorda oblysynda eki aptaǵa sozylǵan «Qaýipsiz jol» jedel profılaktıkalyq is-sharasy qorytyndylandy. Oǵan polıtsııa jáne «QazAvtoJol» qyzmetkerleri jumyldyryldy.

Oblystyq polıtsııa departamentinen habarlaǵandaı, is-shara barysynda jol qozǵalysy qaýipsizdigi boıynsha 7 myńǵa jýyq óreskel quqyqbuzýshylyq anyqtaldy. 

— Onyń basym bóliginde kólik júrgizýshiler qaýipsizdik beldigin taǵý jáne tasymaldaý qaǵıdalaryn, mindetti saqtandyrý týraly zańnama talaptaryn buzǵan, sondaı-aq belgilenbegen jerlerde temirjol arqyly ótken. Rólde kele jatyp uıaly telefonmen sóılesý, joldyń qarsy jolaǵyna shyǵý, kólik quralyn mas kúıinde basqarý jaǵdaılary da tyıylmaı tur. Al 500-den astam adam jaıaý júrginshiler jolaǵynan ótpegen, — dedi departamenttiń jergilikti polıtsııa basqarmasy bastyǵynyń orynbasary Muratbek Manatov.

Іs-shara barysynda 850 avtokólik aıyppul turaǵyna qoıylyp, 747 avtokóliktiń memlekettik tirkeý belgileri alynyp, qozǵalysy shekteldi. 

Qyzylorda oblysynyń polıtsııa departamenti buǵan deıin «Dármek» jedel-profılaktıkalyq is-sharasynyń qorytyndysyn jarııalady.