«Qaýipsiz saýda» respýblıkalyq aktsııasy: Aqtaýda oqý-jattyǵý ótti
ASTANA. KAZINFORM - Aqtaýda «Qaýipsiz saýda» respýblıkalyq aktsııasy aıasynda qalalyq tótenshe jaǵdaılar basqarmasynyń uıymdastyrýymen ótken órt-taktıkalyq oqý-jattyǵýy aıaqtaldy.
Qala ákimdiginiń málimetinshe, keshendi is-shara aıasynda 6 arnaıy tehnıka jáne 16 qyzmetker jumyldyryldy. Tótenshelikter kásipkerlerge órt qaýipsizdigi boıynsha saýda ortalyqtaryn kútip ustaý erejelerin túsindirip, oqý-jattyǵý barysynda arnaıy jadynamalar taratty.
«Aktsııa saýda ortalyqtaryndaǵy órttiń aldyn alý jáne paıda bolýy qaýpin azaıtýǵa baǵyttalǵan. Órt-taktıkalyq oqý-jattyǵý qaladaǵy barlyq saýda ortalyqtarynda uıymdastyrylady. Respýblıkalyq «Qaýipsiz saýda» aktsııasy 22 aqpanǵa deıin jalǵasady», - dedi Aqtaý qalasynyń Tótenshe jaǵdaılar basqarmasynyń bas mamany Maqsat Shaphatov.
Buǵan deıin Mańǵystaýda seısmıkalyq jaǵdaıǵa qatysty jattyǵý sharasy ótetini habarlanǵan bolatyn.
Sondaı-aq, eki apta ýaqyt buryn Aqtaýda «Kóktem-2024» respýblıkalyq komandalyq-shtabtyq oqý-jattyǵýy uıymdastyrylyp, oǵan 250 jeke quram jáne 78 tehnıka jumyldyrylǵan edi.
