Qaýip seıilip, Jalǵansaı aýylynyń turǵyndary úılerine oralyp jatyr - Atyraý oblysy
ATYRAÝ. KAZINFORM – Atyraý oblysynyń Mahambet aýdanyndaǵy Jalǵansaı aýylynda qaýip seıildi. Túnde Jalǵansaı aýylynan evakaýatsııalanǵan turǵyndar úıine oralyp jatyr.
Atyraý oblysynyń jedel shtabynan habarlaǵandaı, qazir atalǵan aýyldaǵy ahýal turaqtandy.
«Búgin, 23 mamyrda saǵat 08:00-de Mahambet aýylyndaǵy D.Tólenov atyndaǵy orta mektebine ornalasqan Jalǵansaı aýylynyń 143 turǵynyn úıine qaıta kóshirý jumysy bastalǵan. Týystarynyń úıine barǵan 46 adamǵa aýylda qaýip joq ekeni týraly habar berildi. Turǵyndardy aýylǵa ákelý úshin 2 avtobýs, 6 GAZel kóligi bólindi», - dep habarlady oblystyq jedel shtabtan.
Qazir Jalǵansaı aýylynda bógetti qosymsha nyǵaıtý jumysy júrip jatyr. Aýyldaǵy turǵyn úıler men áleýmettik nysandardy sý baspaǵan. Eshkim zardap shekpegen.
Eske sala ketelik, budan buryn Mahambet aýdanyndaǵy Jalǵansaı aýylynyń turǵyndaryn evakýatsııalaý bastalǵanyn jazǵan bolatynbyz.
