Qaýly jańartyldy: Nur-Sultan qalasynda jeksenbi kúni qoǵamdyq kólik júrmeıdi
NUR-SULTAN. QazAqparat - Nur-Sultan qalasyndaǵy shekteý jáne karantındik sharalary týraly qaýly jańartyldy, dep habarlaıdy QazAqparat coronavirus2020.kz saıtyna siltememen.
Onyń ishinde:
Uıymdar, kásiporyndar qyzmetkerleriniń keminde 80%-yn qashyqtyqtan jumys isteý túrine kóshirý;
Qalalyq qoǵamdyq kóliktiń jumysyna jumys jáne senbi kúnderi saǵat 06:00-den 23:00-ge deıin jumys kestesin belgileý jáne jeksenbi kúnderi jumystaryna tyıym salý;
Saýda, oıyn-saýyq ortalyqtarynyń, saýda úıleriniń, saýda ortalyqtarynyń jumysyn jumys ýaqyty ótkennen keıin satyp alýshylardyń saýda zalynda bolýyna tyıym salýmen jumys kúnderi saǵat 10:00-den 22:00-ge deıin jumys kestesin belgileı otyryp jáne demalys kúnderi (olarda ornalasqan dárihanalar jáne tamaq ónimderi men birinshi qajettiliktegi zattardy satatyn shaǵynmarketterdi, sýpermarketterdi jáne gıpermarketterdi qospaǵanda) jumystaryna tyıym salýmen uıymdastyrý.
Bul rette kórsetilgen obektilerde jáne olardyń aýmaqtarynda ornalasqan attraktsıondardyń, balalardyń oıyn alańdarynyń, qoǵamdyq tamaqtaný obektileriniń jumysyn (meıramhanalar, dámhanalar, barlar, ashanalar) ornalasqan jerine qaramastan jumys jáne demalys kúnderi jumys kestesin saǵat 07:00-den 20:00-ge deıin belgileı otyryp, avto-ekspresstiń jáne tamaqty jetkizýdiń jumysyn shtattyq rejımde uıymdastyrý qarastyrylǵan.
