Qaýiptiń «sary deńgeıi» kezinde kúdikti zattar týraly habarlama 128 paıyzǵa artqan
ASTANA. QazAqparat - Qazaqstanda terrorlyq qaýiptiń «sary deńgeıi» kezinde azamattar tarapynan kúdikti zattar týraly aıtylǵan habarlamalar sany 127,7 paıyzǵa artqan, dep habarlaıdy QazAqparat.
«2016 jyly ýákiletti organdar azamattar tarapynan qaýipti zattar týraly 426 habarlama qabyldady. Sonyń ishinde, 130 habarlama 2016 jyldyń 6 maýsymyna deıin, ıaǵnı, terrorlyq qaýiptiń «sary deńgeıi» enbeı turǵanda, al, 296 habarlama «sary deńgeı» engizilgennen keıin qabyldanǵan»,-dep habarlanǵan Ulttyq qaýipsizdik komıtetine resmı joldanǵan saýalǵa jaýabynda.
Jalpy, 2016 jyly qaýipsizdikti saqtaý qyzmetteri terrorlyq akt týraly 157 qupııa qońyraý qabyldaǵan eken. Onyń ishinde, 95 qońyraý 6 maýsym men 31 jeltoqsan aralyǵynda qabyldanǵan aqparattar.
Esterińizge sala keteıik, 2017 jyldyń 16 qańarynan bastap Qazaqstanda terrorlyq qaýiptiń «sary deńgeıi» jabyldy.
2016 jyldyń 6 maýsymynda Aqtóbe qalasynda oryn alǵan terrorlyq aktiden keıin Qazaqstan Respýblıkasynyń aýmaǵynda terrorlyq qaýiptiń «sary deńgeıi» engizilgen bolatyn.
