Qaýipti júkterdi tasymaldaıtyn júrgizýshilerge kýálik berý merzimi qysqarmaq

ASTANA. QazAqparat – Qaýipti júkterdi ózge memleketterge tasymaldaıtyn kólik júrgizýshilerine ruqsat kýáligin berý merzimi qysqarmaq. Bul týraly «Ashyq» NQA portalynda jarııalanǵan Indýstrııa jáne ınfroqurylymdyq damý mınıstriniń buıryǵynda kórsetilgen, dep habarlaıdy QazAqparat tilshisi.

«Kólikterge halyqaralyq baǵyttarǵa qaýipti júkterdi tasymaldaýǵa ruqsat beretin kýálik ótinish kelip túsken kúnnen bastap 1 jumys kúni merziminde júzege asyrylady», - delingen jańa redaktsııada.

Endi kólik júrgizýishiler úshin bul qyzmet demalys kúnderi de qoljetimdi bolady. Qoldanystaǵy talap boıynsha kýálik alý úshin azamattar saǵat 16:00-den keshiktirmeı ótinish berýi tıis. Sonymen qosa, senbi jáne jeksenbi kúnderi qyzmettiń atalǵan túri kórsetilmeıdi. Ashyq talqyǵa shyǵarylǵan tıisti retteýshi qujat kúshine ense, onda káýilikti alý merzimi qysqarady.

Buıryq 3 naýryzǵa deıin kópshilik talqylaýda bolady.