Qaýipti júk tasymaldaý erejesin buzǵandarǵa 22,5 mln teńge aıyppul salyndy
ASTANA. QazAqparat - QR Investıtsııalar jáne damý mınıstrligi Kólik komıtetiniń qyzmetkerleri «Abaı bolyńyz, qaýipti júk!» aktsııasyn ótkizdi, dep habarlaıdy QR IDM resmı saıty.
Jyl saıyn ótkiziletin shara qaýipti júk tasymaldaıtyn avtokólik quraldaryn baqylaýdy kúsheıtýge baǵyttalǵan. 1 qazannan 1 qarashaǵa deıin el aýmaǵynda 1018 avtokólik tekserildi. Shara barysynda júk tasymaldaýdyń sharttary, qajetti qujattar, kóliktiń tehnıkalyq jaǵdaıy, júrgizýshilerdiń eńbek jáne demalys rejımderin saqtaýy sııaqtylar tekserildi.
Tekserýden ótken avtokólik quraldarynyń 415-inen ereje buzýshylyq anyqtalyp, 22,5 mln teńge kóleminde aıyppul salynyp, 2,7 mln teńge kóleminde jol alymy belgilendi. Sonyń ishinde 377 ereje buzýshylyq qazaqstandyq, qalǵan 38-i sheteldik tasymaldaýshylardyń úlesine týra keledi.
