Qaýipti vırýsty juqtyrǵandar sany 18 adamǵa jetti
ASTANA. QazAqparat - Ońtústik Koreıada koronavırýsty juqtyrǵandar sany 18 adamǵa jetti, dep habarlady www.24.kz.
Buǵan deıin indetke 15 koreıliktiń shaldyqqany jaıly habar taratylǵan bolatyn. Keseldi juqtyrǵan sońǵy 3 adam elde koronavırýstyń alǵash deregi tirkelgen aýrýhanada bolǵan. Osyǵan baılanysty jergilikti bılik bul medıtsınalyq mekemeni ýaqytsha jabýdy uıǵarǵan. Al ondaǵy naýqastardyń barlyǵy ózge emhanalarǵa ornalastyryldy. Aıta keteıik, koronavırýs alǵash ret 2012 jyly Saýd Arabııasynda anyqtalǵan bolatyn. Búginde álemniń 23 elinde aýrýdy juqtyrýdyń 1 myń 142 deregi tirkelgen. Olardyń 41%-y ólimmen aıaqtaldy. Іndetke qarsy vaktsına áli kúnge deıin tabylǵan joq.
